Xəbər Lenti

İnfoqrafika

Arxiv

Yazar

02 İyun

2020
15:41
Bu abituriyentlərin imtahan nəticələri ləğv edilə bilər

Dövlət İmtahan Mərkəzi (DİM) imtahan iştirakçılarının öz sağlamlıqları haqqında bəyannaməni hansı formada əldə edəcəklərini açıqlayıb.

Mərkəzin mətbuat katibi Xanlar Xanlarzadə bildirib ki, abituriyentlər bəyannaməni elektron qaydada əldə edəcəklər. Abituriyentlər imtahanda iştirak üçün “İmtahana buraxılış vərəqəsi”ni əldə edərkən bəyannaməni də çap edə biləcəklər. Bəyannamədə imtahan iştirakçısının adı, familiyası, şəxsiyyət vəsiqəsinin seriya və nömrəsi qeyd ediləcək:

“Abituriyent həmin bəyannaməni imzalamaqla təsdiq edəcək ki, son 15 gün ərzində onun özündə və ailə üzvləri arasında koronavirusa yoluxma halı qeydə alınmayıb, koronavirusa yoluxmuş heç bir şəxslə təmasda olmayıb, imtahana gələrkən bədən temperaturu 37 dərəcədən aşağı olub, tənəffüs yollarının kəskin infeksiyası simptomları mövcud olmayıb”.

X.Xanlarzadə əlavə edib ki, imtahan iştirakçısı bəyannamədəki məlumatların tam və düzgün göstərilməsinə görə Azərbaycan qanunvericiliyinə uyğun olaraq, məsuliyyət daşıyacaq.

DİM rəsmisi bildirib ki, əgər abituriyentin özündə və ya ailə üzvlərində koronavirus olarsa və o, bu məlumatı qəsdən gizlədərsə, bu zaman abituriyentin imtahan nəticələri ləğv edilə bilər.

Bəyannamədə abituriyentə yanlış məlumatların verilməsinin imtahan nəticələrinin ləğvinə səbəb ola biləcəyi barədə məlumat verilir. Buna görə də abituriyent öz məsuliyyətini dərk edərək bəyannaməni təsdiq etməlidir.

X.Xanlarzadə onu da əlavə edib ki, hər imtahan günündən 5 gün əvvəl DİM-in saytından “İmtahana buraxılış vərəqəsi”ni çap etmək mümkün olacaq. Abituriyentlər həmin vərəqəni çap edərkən bəyannaməni də çap edə biləcəklər.

Məqalədə : imtahan 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
5025

Növbəti buraxılış imtahanları başlayıb

25

İyun
10:59
ELM / TƏHSİL
4103

AMB-nin valyuta məzənnələri

23

İyun
10:11
İQTİSADİYYAT
5726

Nefti qiyməti bahalaşmağa başlayıb

23

İyun
09:30
İQTİSADİYYAT
5749

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
7318

İyunun 22-də dolların manata qarşı məzənnəsi

19

İyun
17:55
İQTİSADİYYAT
5501
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


04-07-2020 23:07





  [email protected]

Valyuta.com

Рейтинг@Mail.ru