İtaliyanın paytaxtı Romada güləş üzrə Avropa çempionatı davam edir.

Beşinci yarış günündə sərbəst güləşçilərin mübarizəsinə start verilib.

Püşk Əli Rəhimzadəni startda olimpiya, dünya və 3 qat Avopa çempionu Vladimir Xinceqaşviliylə üz-üzə qoyub. Ancaq gənc güləşçimiz titullu rəqibiylə görüşü çəkinmədən və yüksək səviyyədə keçirərək böyükhesablı qələbəyə sevinib.

Ağahüseyn Mustafayev ilk mərhələdə Ermənistan idmançısıyla üz-üzə gəlib. Dramatik olduqca gərgin və maraqlı alınıb. Prinsipial qarşılaşmaya rəqib daha yaxşı başlayıb və 8:0 önə keçib. Ancaq özünü itirməyən həmyerlimiz inanılmaz əzmkarlıq nümayiş etdirərək fantastik geridönüş edib. İkinci hissədə rəqibə göz açmağa imkan verməyən Avropa çempionatının gümüş medalçısı yarışa inamlı qələbəylə start verib. Həmyerlimiz daha sonra Belarus təmsilçisindən güclü olub.

Cəbrayıl Həsənov ötən analoji yarışda olduğu kimi, yenə ilk görüşdə Nika Kentçadzeni sınağa çəkib. Buxarestdə olduğu kimi, Romada da millimizin kapitanı ilə 23 yaşadək güləşçilərin dünya çempionu arasında qarşılaşma gərgin mübarizə şəraitində keçib. Son dəqiqəyə kimi 3 qat Avropa çempionumuz hesabda 0:3 geridə olsa da, xarakter göstərərək qələbəni təmin edib.

57 kq

1/8 final: Əfqan Xaşalov - Valentin Damur (FRA)

65 kq

1/8 final: Əli Rəhimzadə - Vladimir Xinceqaşvili (GEO) 7:0

1/4 final: Əli Rəhimzadə - George Bukur (ROU)

70 kq

Təsnifat: Ağahüseyn Mustafayev - Gevorq Mxeyan (ARM) 15:8

1/8 final: Ağahüseyn Mustafayev - Viktar Serada (BLR) 8:2

1/4 final: Ağahüseyn Mustafayev - Aleksey Boruta (UKR)

79 kq

Təsnifat: Cəbrayıl Həsənov - Nika Kentçadze (GEO) *3:3

1/8 final: Cəbrayıl Həsənov - Omarasxab Nacmudinov (ROU)

97 kq

1/8 final: Nurməhəmməd Hacıyev - Pavel Oleynik (HUN)