Xəbər Lenti

Sorğu

İnfografika

Arxiv

Yazar

03 Yanvar

2017
16:18
3204
Yanvar ayının ilk 3 gününün dəhşətli statistikası

- Dekabın 30-da itkin düşdüyü bildirilən 19 yaşlı Xaçmaz şəhər sakini Soltanov Zülfüqar Sübhan oğlunun meşə massivindən meyiti tapılıb.

- Yanvarın 1-də itkin düşmüş Beyləqan şəhər sakini Murad Oruclunun suda boğulmuş meyiti yanvarın 2-də şəhər kənarından keçən "Xan qızı" kanalında tapılıb.

- Yanvarın 1-də saat 11 radələrində Bərdə rayonunun Qaradəmirçi kəndində rayon sakini Şöhrət Süleymanov idarə etdiyi "Hyundai" markalı avtomobillə yolu keçən kənd sakini Gülnar Ağayevanı vurub. Nəticədə piyada hadisə yerində ölüb.

- Yanvarın 1-də Şəmkir şəhəri ərazisində şəhər sakini Sahib Mayılov özünə məxsus "KamAZ" markalı avtomobildə baş verən nasazlığı aradan qaldırarkən baş nahiyəsi avtomobilin qanadı ilə təkəri arasında qalıb. S.Mayılov hadisə yerində ölüb.

- Yanvarın 1-də Xətai rayonu ərazisində yaşayan Gürcüstan vətəndaşı Leyla Çopurova, Səbail rayonu ərazisində yaşayan Cahangir Mustafayev və həyat yoldaşı Sevinc, Sumqayıt şəhərində yaşayan Zeynəb İsmayılova evlərində dəm qazından zəhərlənərək ölüb.

- Yanvarın 1-də Bakının Yasamal rayonunda mənzildə Kamerun Respublikasının vətəndaşı olan 5 nəfərin meyiti tapılıb. Orada kirayədə yaşayan, Kamerun Respublikasının vətəndaşları – Njonyoh Nans Ekum, Nzemele Ezzambe Linus, Nikbenti Nombiye Leves, Senan Nike və Taken Pau Ata dəm qazından boğularaq ölüb. 

- Yanvarın 1-də Ağsu rayonunda iki ailənin faciəsi ilə nəticələnən ağır avtomobil qəzası baş verib. Şamaxı rayonu Qurdtəpə kənd  sakini, 1970-ci il təvəllüdlü Ədilov Əmirşah Məmmədşah oğlu idarə etdiyi “VAZ 2106” markalı minik avtomobili ilə sürətlə hərəkətdə olarkən idarəetməni itirib, avtomobil yoldan çıxaraq piyada səkisində hərəkət edən iki nəfəri-Ağsu şəhər sakini 1958-ci il təvəllüdlü Xəyyam Əliyevi və onun həyat yoldaşı, 1964-cü il təvəllüdlü Xatirə Əliyevanı vurub. Ağır xəsarətlər alan ər və arvad hadisə yerində dünyasını dəyişib. Piyadaları vuran avtomobil sonra hasara çırpılaraq aşıb. Zərbənin təsiri nəticəsində avtomobilin sürücüsü Əmirşah Ədilov, onun həyat yoldaşı, 1975-ci il təvəllüdlü Ədilova Məhbubə Sədulla qızı, və övladları, 2000-ci il təvəllüdlü Əmrah  Ədilov və 1998-ci il təvəllüdlü Afaq Ədilova müxtəlif dərəcəli bədən xəsarətləri ilə Ağsu rayon Mərkəzi Xəstəxanasına yerləşdirilib. Hazırda onların vəziyyəti ağır olaraq qalır.

- Yanvarın 1-də Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Sumqayıt şəhərində mənzildə 1 nəfərin bağlı qapı arxasında köməksiz vəziyyətdə qalması barədə məlumat daxil olub. Mənzilin qapısını açılıb və 1938-ci il təvəllüdlü Namazov Hidayət Hədibulla oğlunun cəsədini aşkar edərək aidiyyəti üzrə təhvil verilib.

- Yanvarın 1-də Lənkəran rayonunun Ləj kəndi ərazisində, Ləj kənd sakini, 1971-ci il təvəllüdlü Sərxan Daməd oğlu Əliyevin meşədə meyiti tapılıb. Onun ürəktutmasından öldüyü bildirilir.

- Yanvarın 1-də Hacıqabul rayonu Nəvahi kənd sakini, 1979-cu il təvəllüdlü Baxşıyev Nüsrət Qubad oğlu özünü yaşayış evinin həyətində yerləşən yardımçı tikilidə asaraq intihar edib.

- Yanvarın 2-də Abşeron rayonunun Hökməli qəsəbəsində yaşayan Hümbət Əliyev ehtiyatsızlığından evinin damından yıxılaraq ölüb.

- Yanvarın 2-də Ağstafa rayonunun Yuxarı Göyçəli kəndində rayon sakini Asim Allahverdiyevin ov tüfəngi ilə ehtiyatsız davranması nəticəsində açılmış atəşdən kənd sakinləri Şəfaqət Göyüşova və qızı Simizər xəsarət alıb. Onlar xəstəxanaya yerləşdirilib.

- Yanvarın 2-də Şəmkir şəhəri ərazisində yaşayan Marina Məmmədovanın evinə gəlmiş Keçili kənd sakini Arzu Alıyev münaqişə zəminində bıçaqla onu qətlə yetirib. A.Alıyev könüllü RPŞ-yə gələrək istintaqa təslim olub. 

- Yanvarın 2-də Ağcabədidə iki nəfərin ölümünə, bir nəfərin xəsarət almasına səbəb olan yol qəzası baş verib. İki avtomobilin toqquşması nəticəsində sürücülərdən biri,  Daşkəsən rayon Əhmədli kənd sakini, 1994-cü il təvəllüdlü Qurbanov Faiq Naməddin oğlu hadisə yerində ölüb. Digər sürücü, Ağcabədi rayon sakini 1949-cu il təvəllüdlü Abdullayev Əlı Əhməd oğlu Ağcabədi Mərkəzi rayon Xəstəxanasına çatdırılsa da, aldığı yaradan həyatını itirib.

- Yanvarın 2-də Biləsuvar rayonun Əsgərəbad kəndində intihar hadisəsi baş verib. Kənd sakini, 1985-ci il təvəllüdlü Elşən Möhübbət oğlu Nəciyev yaşadığı evdə özünü asaraq intihar edib. 

- Yanvarın 2-də Ucar rayonun Qazıqumlaq kəndində ölümlə nəticələnən yol qəzası baş verib. Rayon sakini Hacı  Ələsgər oğlu Məmmədovun idarə etdiyi  "Mercedes" markalı minik maşını ilə Sahib Valeh oğlu Novruzəliyevin idarə etdiyi  "VAZ- 2106" markalı maşın toqquşub. Nəticədə "VAZ-2106" markalı maşının sürücüsü S . Novruzəliyev ağır xəsarətlərlə Ucar Mərkəzi Rayon Xəstəxanasına yerləşdirilib. Həkimlərin tibbi yardımına baxmayaraq o, xəstəxanada ölüb. 

- Yanvarın 2-də Ağdaş rayonunda piyadanın vurulması ilə nəticələnən yol-nəqliyyat hadisəsi baş verib. Rayon sakini Nəzərov İlqar Söhbət oğlu idarə etdiyi “VAZ 2106” markalı minik avtomobili ilə hərəkətdə olarkən yolu keçən piyadanı, 1947-ci il təvəllüdlü Məmmədov Tehran Abış oğlunu vurub. T. Məmmədov ağır bədən xəsarətləri ilə Ağdaş rayon Mərkəzi Xəstəxanasına yerləşdirilib. Həkimlərin ilkin tibbi yardımına baxmayaraq, xəsarət alan şəxs dünyasını dəyişib.

- Yanvarın 2-də Qaradağ rayonu, “Binə” Ticarət Mərkəzinin qarşısında "London Taxi" markalı avtomobil yoldan çıxaraq maneəyə çırpılıb. Nəticədə 1 nəfər ölüb, 2 nəfər xəsarət alıb.

- Yanvarın 3-də Masallı rayonunun Qəriblər kəndi ərazisindən keçən hissəsində “Fiat” markalı və “VAZ-2107” markalı minik avtomobilləri toqquşub. “VAZ-2107”-nin sərnişini olan ər və arvad aldıqları çoxsaylı bədən xəsarətlərindən hadisə yerində dünyasını dəyişib. “Fiat”ın sərnişini, 2004-cü il təvəllüdlü Zeynəb Həmzəyeva isə Masallı Mərkəzi Rayon Xəstəxanasına yerləşdirilib.

- Yanvarın 3-də Bakı-Qazax magistral yolunun 187-ci kilometrliyində, Kürdəmir rayon ərazisində baş verən yol-nəqliyyat hadisəsi nəticəsində 1 nəfər ölüb, 3 nəfər xəsarət alıb. Tural Fərman oğlu Süleymanovun idarə etdiyi, Ucar  Mərkəzi Rayon Xəstəxanasına məxsus  "Ford" markalı təcili tibbi yardım maşını ilə Qalib Hüseyn oğlu Hüseynovun idarə etdiyi "KamAZ" markalı yük maşını toqquşub. Nəticədə "Ford" markalı maşında olan Ucar rayon sakini 1963-cü il təvəllüdlü Şəhla Sabir qızı Əzizova hadisə yerində ölüb. Sürücü T. Süleymanov və avtomobildə olan tibb bacısı Validə Yunis qızı Xəlilova və sərnişin Xəyalə Zabit qızı Mehdiyevaı müxtəlif xəsarətlərlə Kürdəmir Mərkəzi Rayon Xəstəxanasına yerləşdiriliblər.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2017 20:02

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru