Xəbər Lenti

Sorğu

İnfografika

Arxiv

03 Yanvar

2017
17:52
2278
Whatsapp bu telefonlarda artıq işləməyəcək

Whatsapp bu həftədən etibarən bir vaxtlar bazarlarda meydan sulayan, amma indi adları çəkilməyən telefonlara olan dəstəyini geri çəkir. Bu telefonlardan dəstəyin çəkilməsi ilə Whatsapp da artıq bu qurğularda işləməyəcək. Bəs hansı telefonlar Whatsapp-dan məhrum qalacaq?

FaktXəbər-in məlumatına görə, bu gündən etibarən Whatsapp iPhone 3G və bəzi Android telefonlarda istifadə edilməyəcək. Blackberry və Nokia üçün isə fərqli işlər həyata keçiriləcək. Android 2.2 variantı və ondan aşağı olanlar, başda iPhone 3G olmaqla iOS 6 və aşağı olanlar və Windows Phone 7 ilə işləyən ağıllı telefonlarda Whatsapp bağlanılacaq

Həmçinin Blackberry OS, Blackberry 10, Nokia S40 və Nokia Symbian S60 əməliyyat sisteminə malik telefonlar da Whatsapp dəstəyini itirəcək. Ancaq firma 30 yanvar 2017-ci il tarixinə qədər həmin telefon istifadəçilərinə möhlət verib. Bu tarixdən sonra onlar da Whatsapp istifadə etməyəcək.

Dünyada milyonlarla istifadəçisi olan platformanın köhnə əməliyyat sistemlərndə saysız-hesabsız açıq riski olduğu üçün belə bir qərar verdiyi bildirilir. 

Bundan başqa Whatsapp-da yeni dövr çox yaxında başlayır. Artıq mesajları göndərdikdən 24 saat sonra tamamilə yox olacaq. 

Snapchat Stories və Messenger Day kimi xüsusiyyətlərdən sonra Whatsapp da bənzər bir variantı istifadəçilərinə təqdim etmək üçün işə başlayıb. Whatsapp-da "Status" adını alacaq xüsusiyyət sayəsində istifadəçilər göndərdikləri şəkillərə emoji, doodle və ya yazı əlavə edə biləcək.

Eynilə Snapchat-da olduğu kimi bu işlər 24 saat ərzində sistemdən silinəcək. Ancaq Whatsapp-dakı yeniliklər bununla da məhdudlaşmayacaq.

Whatsappa uzun zamandır gəlməsi gözlənilən bir başqa xüsusiyyət də nəhayət yayımlanıb. Whatsapp video axtarış dəstəyini istifadəçilərə təqdim edib.

Whatsapp vasitəsi ilə Skype və ya Facetime-da olduğu kimi video konfrans keçirmək imkanı olacaq.

Bu xüsusiyyətin başqa Whatsapp-a rəsm çəkmək xüsusiyyəti də təqdim olunub. Yeniləmə ilə foto və video üzərində rəsm çəkmək xüsusiyyəti gəlib. Artıq çəkdiyiniz rəsmləri birbaşa Whatsapp mesajı yolu ilə dostlarınıza göndərə biləcəksiniz.

Foto və videoların üstünü yaza, emoji əlavə edə, fırça qalınlığı və ya yazı sitilini dəyişdirə biləcəksiniz.

Whatsapp-da şifrələmə də yaxın vaxtlarda istifadəyə veriləcək. O şifrəni bilməyən Whatsapp-a girə bilməyəcək. "Android Authority"nin xəbərinə görə, Whatsapp təhlükəsizlik tədbirlərini daha yüksək səviyyəyə qaldırılmasına çalışır. Məlumata görə, şirkət 6 ədədli şifrələmə sistemini sınaqdan keçirir.

Yeni şifrələmə sistemində, "6 xanadan ibarət şifrəni daxil edin", "şifrəniz düzgün deyil, yenidən cəhd edin", "Elektron poçtunuzu daxil edin" kimi kodların və xəbərdarlıqların olduğu bildirilir.

Təhlükəsizlik tədqiqatçıları indi də Whatsapp-ı araşdırır və ortaya çıxan araşdırma nəticələri hər kəsi təəccübləndirdi. Siz mesajlarınızı silərkən silindiyini güman edirsiniz, amma...

Whatsapp-da hər mesajlaşma tətbiqində olduğu kimi mesajları silmə xüsusiyyəti var. İstifadəçilər Whatsapp-dakı məktubları tək-tək, ya da bütöv şəkildə silə bilir. Başqa bir silmə üsulu isə istifadə etdiyiniz telefon nömrəsi ilə daxil olaraq, bütün Whatsapp danışmalarını silməkdir. Ancaq əslində bütün bu silmə üsulları işə yaramır!

Təhlükəsizlik tədqiqatçısı Conatan Zdziarski Whatsapptan silinən bütün mesajların və görüntülərin tam mənası ilə silinmədiyini və tətbiq içərisində qaldığını açıqlayıb.

Whatsapp danışıqları nüvə və SQLite kitabxanasındakı problemlərə görə əslində tam mənası ilə silinmədiyi və SMS.db olaraq qaldığı bildirilir. Həmçinin mesajların iCloud-da da saxlandığı bildirilir. Yeni şifrələmə sisteminin sadəcə danışmıq əsnasında etibarlı olduğunu qeyd edən Conatan Zdziarski Whatsapp-dakı bu açığın narahatlıqverici olmadığını qeyd edir.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru