Xəbər Lenti

Sorğu

İnfografika

Arxiv

17 Yanvar

2013
15:31
4343
Vergi Məcəlləsinə edilən yeni dəyişikliklər nə vəd edir?
Gülnar İsmayılova: “Sadələşdirilmiş vergi üzrə dövriyyənin kiçik sahibkarlıq üçün mövcud meyarlara uyğunlaşdırılmasına ehtiyac var”

Bu ayın 1-dən etibarən Vergi Məcəlləsinə yeni əlavə və dəyişikliklər edilib və sənəd ölkə prezidenti tərəfindən təsdiq olundu. Rəsmi açıqlamalara görə, 2013-cü ilin Vergi Məcəlləsində olan dəyişikliklər əhalinin sosial-iqtisadi vəziyyətini yaxşılaşdırılmasına və həmçinin antikorrupsiya tədbirlərinin ilkin mərhələsi kimi qiymətləndirilir.

FaktXəbər-in məlumatına görə, son dəyişiklikləri şərh edən İqtisadi və Sosial İnkişaf Mərkəzinin (İSİM) eksperti Gülnar İsmayılova bildirib ki, məcəllədə fiziki şəxslərin gəlir vergisinin ödənilməsi sxemi dəyişdirilib. Belə ki, gəlir vergisi üzrə faiz dərəcələrinin dəyişdirilməsi əhalinin gəlirlərinə birbaşa təsir göstərəcək. Bu əsasən əmək haqqı 200 manatadək olanlar və 2500 manatdan çox olanlarda özünü büruzə verəcək. Belə ki, indiyədək aylıq gəliri 200 manata kimi olanlardan minimum əmək haqqı məbləği (93,5 manat) çıxılırdısa artıq bu ildən həmin məbləğ 125 manat olacaq. Bu da yeni dəyişikliklərdə sonra vergiyə cəlb olunmayan hissə kimi minimum əmək haqqı, yaşayış minimumu ilə əvəz olunması ilə bağlıdır.
Qeyd etmək lazımdır ki, ölkə üzrə yaşayış minimumu ilkin layihədə 116 manat nəzərdə tutulsa da, Prezidentin təsdiq etdiyi qanunda 125 manat qeyd edilib.

İSİM eksperti deyib ki, aylıq gəliri 2500 manatdan yüksək olanlar  üçün 30 % gəlir vergisi tutulurdusa, artıq yeni qanuna əsasən aylıq məvacibləri 2500 manatdan çox olanlar 25 % vergi ödəyəcək. Vergi Məcəlləsinin 102.4–cü maddəsində nəzərdə tutulan fiziki şəxslərin ( yəni həlak olmuş və yaxud sonradan vəfat etmiş döyüşçülərin valideynləri, vəzifə icrası zamanı həlak olmuş dövlət qulluqçularının valideynləri və ərləri (arvadları), Azərbaycan Respublikasının ərazi bütövlüyünün müdafiəsi zamanı həlak olmuş şəxslərin valideynləri və arvadları (ərləri), Əfqanıstana və döyüş əməliyyatları aparılan başqa ölkələrə göndərilmiş hərbi qulluqçular və hərbi vəzifəlilər, məcburi köçkünlər və onlara bərabər tutulan şəxslər) aylıq gəlirinin vergi tutulmayan hissəsi 55 manat idi artıq 100 manat məbləğində olacaq.

Gülnar İsmayılov bildirib ki, azadolmalar siyahısına yeni bənddə əlavə olunub, belə ki eks-prezidentlər və onların ailə üzvlərinə ödənilən pensiya, məvacib və digər ödənişlərin məbləği gəlir vergisindən azaddır. Vergi Məcəlləsində texnoloji və sənaye parklarının inkişafının təmin olunması üçün vergi tətillərinin tətbiq olunması nəzərdə tutulur. Sənaye-texnoliji parkları 7 il müddətində ƏDV-dən azad olunacaq. “Sumqayıt Texnologiyalar Parkı” MMC-nin nəzdində 17 zavod fəaliyyət göstərəcək və bunların hər birinə vergi tətilləri veriləcək. Yəni burada fəaliyyət göstərən hüquqi şəxslərin parkdakı fəaliyyətindən əldə etdikləri gəlirlər 7 il müddətinə vergiyə cəlb olunmayacaq.

Ekspert əlavə edib ki, Məcəllədə sadələşdirilmiş vergi ilə bağlı ciddi dəyişikliklər olub, belə ki, yeni qanuna əsasən həm fiziki həmdə hüquqi şəxslər üçün illik dövriyyə eyni həddə 120 min manat nəzərdə tutulub. Əvvəlki dövrlərdə isə illik dövriyyəsi 150 min manat olan hüquqi şəxslər və illik dövriyyəsi 90 min manat olan fiziki şəxslər sadələşdirilmiş vergiyə cəlb olunurdu. Hüquqi şəxslər də bu rəqəm azaldığı üçün təklif olunur ki, sadələşdirilmiş vergi üzrə illik dövriyyə göstəriciləri Azərbaycan Respublikası Nazirlər Kabineti tərəfindən təsdiq edilmiş “İqtisadi fəaliyyət növləri üzrə kiçik sahibkarlıq subyektlərinin müəyyənləşdirilməsi meyarlarının hədləri” haqqında 2004-cü il 20 aprel tarixli 57 nömrəli qərarında (Nazirlər Kabinetinin 2009-cu il 18 dekabr tarixli 192 nömrəli qərarı ilə edilmiş dəyişikliklər nəzərə alınmaqla) müəyyən edilən  kriteriyalara görə formalaşdırılsın. Bu qanuna əsasən Sənaye və tikintidə işçilərinin sayı 50 nəfərdən və illik dövriyyəsi 500 min manatdan, kənd təsərrüfatında işçilərinin sayı 25 nəfərdən və illik dövriyyəsi 250 min manatdan, topdansatış ticarət müəssisələrində işçilərinin sayı 15 nəfərdən və illik dövriyyəsi 1,0 milyon manatdan və iqtisadiyyatın digər sahələrində işçilərinin sayı 10 nəfərdən və illik dövriyyəsi 250 min manatdan az olan kiçik sahibkarlıq subyektləri qeyd edilir. Bakı şəhəri üzrə illik dövriyyənin 4 % - i, bölgələrdə isə 2 %-ni təşkil edir.

Şərhlər
Emil Melikov tərəfindən 17-01-2013 14:51:05 tarixində yazıldı
sadece
bu yazi sadece bir xeber idi, ama mence ekspert bunu etrafli sekilde izah etmeli idi. bir iqtisadci kimi vaxtimi ayirib bu yazini oxumaga pesman oldum
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru