Xəbər Lenti

Sorğu

İnfografika

Arxiv

25 Aprel

2016
15:39
6532
Prezidentlər BU QADININ KÖLGƏSİndən də qorxurlar
Britaniya Kraliçasının dövlət başçılarında olmayan ağlasığmaz səlahiyyətləri var

Böyük Britaniya kraliçası II Yelizaveta 90 illiyini qeyd edib. Tarixdə hakimiyyətinin  müddəti ən uzun olan kraliçanın bir sıra imtiyazları mövcuddur ki, digər şahlar və prezidentlər bu güzəştlərdən məhrumdur. 

FaktXeber.com olaraq kraliçaya məxsus olan imtiyazları oxucularımıza təqdim edirik.

Şəxsi bankomatdan pul götürmək

700 otaqdan ibarət olan Bukinhem sarayında kraliça Yelizavetanın şəxsi bankomatı mövcuddur. Kraliça oradan istədiyi zaman nağd pul götürə bilər. Sadəcə, məlum deyil ki, Yelizavetanın nağd pul nəyinə gərəkdir. 

Avtomobili nömrəsiz və sürücülük vəsiqəsiz idarə etmək

Bütün siyasi həmkarlarından fərqli olaraq, Yelizaveta yeganə insandır ki, onu sükan arxasına oturması üçün sürücülük vəsiqəsinə ehtiyac yoxdur. Həmçinin onun sükanı arxasında oturduğu avtomobilin nömrəsinin olması belə tələb edilmir.  

2012-ci ildə ingiltərəli jurnalistin  kraliça barədə yayımladığı foto dünya mediasını şoka salmışdı. Belə ki, şəkildə 86 yaşlı Yelizaveta öz “Range Rover”ində başına kapuşon geyinərək, London küçələrində yüksək sürətlə avtoşluq edib.  

Sənədsiz səyahət etmək

Sürücülük vəsiqəsi bir yana, Britaniya kraliçasının heç pasportu da yoxdur. Onun pasportuna nə ehtiyac var, əgər dünyada təkcə Yelizaveta sənədsiz və qeydiyatsız  istədiyi ölkəyə maneəsiz səfər edə bilərsə. 

Qeyd edək ki, onun kraliça seçilməsi də səyahət zamanı olub. Yelizaveta əri ilə Avstraliyadan Yeni Zelandiyaya gedərkən, atası VI Georqun ölüm və özünün kraliça seçildiyi xəbərini alıb. 

İldə iki dəfə ad günü qeyd etmək

Kraliça Yelizaveta 1926-cI ilin aprel ayının 21-i  dünyaya gəlib və, əlbəttə ki, bu gündə hər kəs kimi öz ad gününü qeyd edir. Lakin bundan əlavə, kraliçanın rəsmi ad günü iyunda da keçirilir. Bunun səbəbi haradasa gülünc doğura bilər. İş orasındadır ki, iyunda digər aylara nisbətən Londonda yağışın yağma ehtimalı daha azdır və kraliçanın adına qurulan möhtəşəm tədbir maneəsiz keçirilir. Həmin gün kraliçanın şərəfinə Britaniya, Avstraliya, Kanada, Yeni Zelandiya və digər Britaniya Birlik Ölkələrində hərbi paradlar keçirilir. 

Cinayət məsuliyyətinə cəlb edilməmək

Britaniya kraliçası II Yelizavetaya qarşı nə cinayət işləri qaldırmaq, nə də məhkəmə araşdırmalarını aparmaq olmaz. Səbəbi çox aydındır. Britaniyada və Britaniya Birlik Ölkələrində həbslər kraliçanın adı ilə həyata keçirilir. Buna görə,  onu öz adı ilə həbs etmək qeyri-mümkündür. 

Yeri gəlmişkən, kraliça vergidən də azadır. Həmçinin onun şəxsi həyatına müdaxilə edə biləcək qanun mövcud deyil. Bu o deməkdir ki, kraliçanın sirləri heç zaman ictimailəşdirilə bilməz. 

Kanada, Avstraliya və Yeni Zelandiya hökumətlərini istefaya göndərə bilər

İngiltərədən başqa, Britaniya kraliçası II Yelizaveta  bir çox başqa ölkələrin hökumətinə də tam nəzarət edir. Məsələn, o, istədiyi an Avstraliya, Yeni Zelandiya, Kanada və digər Britaniya Birlik Ölkələrinin rəhbərlərini istefaya göndərə bilər.

Qeyd etmək yerinə düşərdi ki, daim dünya ictimaiyyətinə Britaniyadakı krallıq rejiminin simvolik xarakter daşıdığını söyləyirlər. Amma görünən odur ki, kraliça formal xarakter daşımır və Britaniya başda olmaqla bir neçə dövlətin (hələ bizə məlum olan) hakimiyyətinə tam surətdə nəzarət edir. Onun dünya siyasətinə yön verdiyi də deyilir.

Məqalədə : İngiltərə Yelizaveta 
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru