Nigeriyada HHQ-nin aviazərbələri nəticəsində «Boko-Haram» terror təşkilatının rəhbəri Əbubəkr Şekau yaralanıb. FaktXeber.com-un məlumatına görə, bu barədə AFR xəbər yayıb.

Aviahücumlar  cümə günü  Borno ştatının Damboa  rayonu ərazisində həyata keçirilib. Şekaunun müavini və daha bir neçə döyüşçü də xəsarət alıb.

Nigeriya Ordusu hələ ki, bu xəbəri şərh etməyib.

Qeyd edək ki, Nigeriya ordusu  dəfələrlə onun ölümü barədə xəbər versə də, «Boko Haram» rəhbəri hər dəfəsində sağ olduğu göstərib.