Xəbər Lenti

Sorğu

Arxiv

İnfografika

25 Noyabr

2016
16:35
1433
Bu cərimə Türkiyədə hər kəsin gülüşünə səbəb olub - FOTO

Türkiyədə poisin tətbiq etdiyi bu cəza medianın diqqətini cəlb etməklə yanaşı gülüş hədəfi olub. 

FaktXəbər-in məlumatına görə, Antalyanın Muratpaşa rayonu İsmetpaşa küçəsində market sahibi Rəmzi Onur Alkan iş yerinin qarşısındakı küçənin kənarında - maşınların park etdiyi əraziyə plastik stulunu qoyub oturmaq istəməsi ona baha-başa gəlib. Belə ki, onun oturmasından bir neçə dəqiqə sonra dükana müştəri girdiyini görən Alkan, stulunu qoyub dükana girir.

Çölə çıxanda isə maraqlı mənzərə ilə qarşılaşır. Polis məmuru Alkandan vergi şəhadətnaməsini istəyib. Polis sənədi gətirən Alkana stulunu avtomobil yoluna qoyduğu üçün cəza kəsəcəyini deyib. Alkan polisin ona Yol Hərəkəti Qanununun 14-cü maddəsi (avtomobil yolları və yol nişanlarının qorunması) çərçivəsində yazdığı qəbzin cəza hissəsində 412 lirə (205 AZN) yazıldığını görəndə əsəbdən stula təpik vurub. Yol polisi dükanın yanında gözləyən digər polis əməkdaşına stulu müsadirə etməsini tapşırıb.

Yazılan cəzanı görəndə şoka düşdüyünü bildirən Rəmzi Onur Alkan polisin stulu müsadirə etdiyini də deyib. 10 lirəyə aldığı stulunun 412 lirəyə başa gəldiyini vurğulayan Alkan, "Avtomobillər burada qısa müddət ərzində park edə bilərlər. Amma saatlarla burada qalırlar. Heç kim onlara cəza kəsmir. Mənim oturmaq üçün istifadə etdiyim stula 412 lirə cəza kəsmək insafsızlıqdır. Bu pulu mən 15 gündə, ancaq qazanıram", - deyə bildirib.

Eyni polis məmuru daha sonra həmin küçədə yerləşən başqa bir mağazanın qarşısında park etmiş maşının yanına kətil qoyaraq oturan mağaza sahibi Məhəmməd Bilgiçə də 412 TL cərimə yazıb. 

Hər iki şəxs gadisəylə əlaqədar prokurorluğa şikayət edəcəklərini açıqlayıb.

Orphus system Mətndə orfoqrafik səhv aşkar etdinizsə, həmin hissəni qeyd edib Ctrl + Enter düymələrini sıxın.
Xəbərlərimizi Faktxeber.com-un facebook səhifəsində də izləyə bilərsiniz.
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com