Xəbər Lenti

Sorğu

İnfografika

Arxiv

Yazar

16 Sentyabr

2016
09:54
3856
Azərbaycanda uşağın cinsinin müəyyənləşdirilməsi qanunla qadağan olunur
QMİ qalmaqallı qanun layihəsinin "halallığını" verdi

Neçə illərdir ki, “Reproduktiv sağlamlıq haqqında” qanun layihəsi Milli Məclisin plenar iclaslarının müzakirəsinə çıxarılsa da, onun qəbulu hər dəfə təxirə salınıb. Qanun layihəsinin narazılıq yaradan əsas səbəblərdən biri süni mayalanma üçün donorluq məsələsinin Qafqaz Müsəlmanları İdarəsi (QMİ) tərəfindən etirazla qarşılanması olub.

Amma adıçəkilən qanun layihəsi ilə bağlı məsələ həll olunmaq üzrədir. FaktXəbər-in məlumatına görə, Milli Məclisin Səhiyyə komitəsinin sədr müavini Musa Quliyev Modern.az-a açıqlamasında reproduktiv sağlamlıqla bağlı yeniliklərdən söz açıb.

“Reproduktiv sağlamlıqla bağlı qanun layihəsi hazırdır. Qanun layihəsi payız sessiyasında Milli Məclisə təqdim olunacaq. Ümid edirik ki, qanun layihəsinin qəbul olunması üçün problem də olmayacaq. Həmçinin, reproduktiv sağlamlıqla bağlı yeniliklər də var. Belə ki, Qafqaz Müsəlmanları İdarəsi (QMİ) ilə razılaşma əldə etdik. Donorluq məsələsi aradan qaldırıldı. Əsas yeniliklərdən biri odur ki, aztəminatlı ailələrə bir dəfə dövlət vəsaiti (pulsuz) hesabına ekstrokorporal (süni) mayalanma həyata keçiriləcək. Bu, məsələnin çox müsbət tərəfidir”.

Komitənin sədr müavinin sözlərinə görə, bu məsələdə QMİ-nin təklifi nəzərə alınıb.

“Digər tərəfdən, məsələnin hüquqi tənzimləmə tərəfləri var. Qadın hüququ, analıq hüququ, uşağın hüququ, azyaşlılar arasında reproduktiv sağlamlıq məsələsi və sairə var. Dünyanın aparıcı ölkələrinin qanunları necədirsə, bizdə də elədir. Sadəcə, biz QMİ-nin təklifini götür-qoy etdik və bütün müsəlman ölkələrinin təcrübəsini öyrəndik. 

Demək olar ki, MDB məkanında bir-iki müsəlman respublikası istisna olmaqla, digər müsəlman ölkələrində donorluq məsələsi qadağandır. Hətta, katolik inancını daşıyan xristian ölkələrinin çoxunda donorluq məsələsi yoxdur”.

Musa Quliyev tez-tez müzakirə olunan abort məsələsinə də toxunub.

“Qanuna ciddi dəyişikliklərdən biri də abortlarla bağlıdır. Uşağın cinsinə görə müayinə edilməsi, abort edilməsi qanunla qadağan olunur. Bütövlükdə isə 12 həftədən yuxarı hər hansı səbəbdən abort baş verərsə, həkim özü tək qərar vermir. Yalnız konsinumun qərarından sonra bu işə baxıla bilər”.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-11-2017 13:37

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru