Xəbər Lenti

Sorğu

İnfografika

Arxiv

03 Mart

2017
22:06
1274
AİP Xanım Fatimeyi-Zəhranın (s.ə) şəhadəti ilə bağlı tədbir keçirib

Azərbaycan İslam Partiyası Xanım Fatimeyi-Zəhranın (s.ə)  şəhadəti ilə əlaqədar tədbir keçirib. Tədbirdə ictimai-siyasi qurumların rəhbərləri, İslam alimləri, ictimaiyyət nümayəndələri də iştirak edib.

Tədbiri giriş sözü ilə açan Azərbaycan İslam Pariyasının sədr əvəzi İlham Əliyev xanımın mövqeyi barədə söz açıb: "Allah-Təalanın yanında qadınların içində cəmisi 4 qadın kamillik zirvəsinə ucalıb. Onların arasında ən fəzilətsi, ən yüksək məqama nail olanı xanım Fatimeyi Zəhradır (s.ə). Peyğəmbərimiz Salmana buyurub ki, Xanım Zəhraya məhəbbət 100 yerdə adamın əlində tutar, bunlardan ən yüngülü ölüm anında, qəbr aləmində, mizan-tərəzi məqamında, məşhərdə və hesab-kitab verdiyi məqamlarda olacaq".

İlahiyyatçı daha sonra maraqlı bir məqamı da vurğulayıb: "Peyğəmbərimiz buyurub ki, qızım Fatimənin razı qaldığı kəsdən mən də razı qalaram. Mənim razı qaldığım kəsdən isə Allah razı qalar. Həmçinin qızım Fatimənin qəzəbləndiyinə, mən də qəzəb edərəm. Və mən hər kimə qəzəblənsəm, Allah da ona qəzəblənəcək. Ey Salman, bil. Hər kim Xanım Fatiməyə və onun həyat yoldaşına zülüm eləsə, vay olsun onun halına".

İ.Əliyevin sözlərinə görə, heç bir şəxsiyyət barədə bu cümlələr deyilməyib və bu xanım Fatimənin əzəmətinin göstəricisidir. AİP sədr əvəzi həmçinin vurğulayıb ki, bu məqam ona məhəbbət bəsləyənlərə də siyarət edir: "Azərbaycanda son 15-20 gündə ölkə səviyyəsində Xanım Zəhra üçün məclislər təşkil olunub. Bu məclislərin təşkil olunması da onun göstəricisidir ki, Azərbaycan xalqı Əhli-beytsevər, xanım Fatiməyə məhəbbət bəsləyən millətdir".

Daha sonra söz alan ruhani Vasif Nəftullayeva Xanım Fatimeyi-Zəhra barəsində danışmağın çətin  və məsuliyyətli bir iş olduğunu deyib: "Sanki bir insana Günəşi vəsf et, onun həqiqətindən danış deyirlər. Günəşin həqiqətindən o kəs xəbər verə bilər ki, ona yaxınlaşa onu hiss edə bilər. Günəşin barəsində bu günə qədər deyilənlər, sadəcə uzaqdan müşahidə edib, ona yaxınlaşa bilməyənlər barədə deyilən sözlərdir. Əhli-Beyt, Həzrət Zəhra da bu cürdür. Nə yaxşı ki, Əhli-Beyt özləri özlərini vəfs edib bizə tanıtdırıb.

Qurani-Kərimin Şüəra surəsinin 23-cü ayəsində Allah buyurur: "Ey Peyğəmbərim, Bizim adımızdan insanlığa mənim bu tələbimi çatdır. Bu nübdüvvət və risalətin yolunda çəkdiyimi əzab əziyyətlərin və sıxıntıların müqbilində Peyğəmbərimiz olaraq heç bir mükafat istəmirəm. İstədiyim sadəcə Əhli-beytimə məhəbbət bəsləməyinizdir". Bu ayədə çox qəribə bir məqam var, o da bundan ibarətdir ki, bu ayə nazil olana qədər Peyğəmbər  bu istəyi də etməmişdi. Allahın bəşəriyyətdən bu istəyi olmasaydı, Peyğəmbər hətta bunu belə dilinə almazdı. Bunu Allah tələb edib, Peyğəmbər də onun elan edənidir".

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru