Xəbər Lenti

Sorğu

İnfografika

Arxiv

10 Mart

2017
13:39
5276
Ali məktəb imtahanlarına hazırlaşanlara 12 QIZIL MƏSLƏHƏT

Dərs ili sona yaxınlaşdıqca, sınaq imtahanları başlandıqca abituriyentlərin stressi artır. Sınaq zamanı bir çox tələbə sadə səhvlər edir. Mütəxəssislər sınaq zamanı və elə imtahanlarda da nələrə diqqət edilməsi lazım olduğunu hər zaman xatırladırlar. FaktXəbər olaraq abituriyentlərə bəzi məsləhətləri çatdırmaq istəyirik.

1. İmtahan suallarını həll etməyə adət etdiyiniz tərzdə başlamalısınız. Əvvəllər sınaq imtahanlarında tətbiq etmədiyiniz üsulu ali məktəb imtahanlarında sınamamalısınız Sualları həll etməyə ən yaxşı bildiyiniz fəndən başlamalısınız.

2. İmtahanda zamana qarşı mübarizə apardığınızı yadınızdan çıxarmamalısınız. Həll edə bilmədiyiniz sualların qarşısında sual işarəsi (?) qoyaraq bu sualları keçin. Vaxt qalarsa, təkrar qayıdarsınız. Həll edəcəyinə qətiyyən inanmadığınız sualların qarşısında isə mənfi işarəsi (-) qoya bilərsiniz. Vaxt qalarsa, bu suallarla vaxt sərf etmək əvəzinə, əvvəlində sual işarəsi olan suallarla məşğul olarsınız.

3. Sualın kökünə diqqət etməlisiniz Mötərizə içindəki ifadələrə diqqət yetirin. Altı xətli və inkar sözlərə (demək olmaz, olmamalıdır, yoxdur və s) diqqət edin. 

4. Sualların hamısını oxuyun. Bir testdə çətin suala da, asan sual da eyni bal yazılır. Sizə ağır gələn suala vaxt itirməyin. 

5. Cavab variantlarının da hamısını oxuyun. Şifahi suallar da daxil olmaqla bütün sualları karandaş istifadə edərək həll etməlisiniz.

6. Sualı həll edərkən ağlınıza gələn fikirləri bir kəlmə ilə də olsa dərhal qeyd etməlisiniz. Bu fikirlər sualı həll etməyinizə köməkçi olacaq. Yazılarınızı diqqətlə və səliqə ilə yazmalısınız, bu davranış diqqətsizliyin qarşısını alacaq və vaxtınıza qənaət edəcək.

7. Tapdığınız, doğruluğuna əmin olduğunuz cavabları cavab kağızına düzgün və doğru şəkildə işarə etməlisiniz. Sürüşmə etməmək üçün, sual nömrəsinə və cavab variantına işarələmə zamanı maksimum diqqət etməlisiniz.

8. Xüsusən şifahi məzmunlu suallara verdiyiniz ilk cavab çox əhəmiyyətlidir. İlk cavabınızın səhv olduğuna qəti əmin deyilsinizsə, dəyişdirməyin. İmtahandan tez çıxmaq mərifət deyil, müddəti sona qədər və ən yaxşı şəkildə istifadə etməlisiniz.

9. Vaxt qalarsa cavablarınızı gözdən keçirməlisiniz, edə bilmədiyiniz suallara baxmalısınız.

10. Rahat olduğunuz paltarlar geyinin. Kip, tərlədən, qaşındıran paltarlar geyinməyin. Ayaqqabılarınız da rahat olmalıdır.

11. Geyimdə hava şəraitinə də diqqət etməlisiniz. Yeni aldığınız geyimi həmin gün geyməməyə diqqət edin, bəlkə, sizi narahat edə bilər.

12. İmtahanlara ən azı 24 saat qalmış hər hansısa bir kitaba əl vurub, beyninizi yormayın.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru