Xəbər Lenti

İnfoqrafika

Arxiv

Yazar

27 Yanvar

2020
18:20
Nərminin öldürülməsində ittiham olunan şəxsin tibbi ekspertizası tələb edilir

Tovuz rayonu Dondar Quşçu kəndinin 10 yaşlı sakini Nərmin Quliyevanın vəhşicəsinə qətlə yetirilməsində təqsirləndirilən İlkin Süleymanovun vəkilləri müvəkkilləri ilə bağlı məhkəmə tibbi ekspertizasının təyin olunması xahişi ilə Azərbaycan Baş Prokurorluğuna müraciət ediblər.

Bu barədə vəkillər özləri məlumat verib.

Bu günə qədər təqsirləndirilən şəxsin üç vəkili var: Gəncə bürosunu təmsil edən Zabil Qəhrəmanov, Vəkillər Kollegiyasının Bakı bürosundan Əlibaba Rzayev və Murtuzəli Abbasov.

Müdafiəçilərin sözlərinə görə, istintaq hələ də onlara İ.Süleymanovla görüşmək imkanı verməyib. Onunla yeganə qısa görüş yanvarın 24-də Sabunçu Rayon Məhkəməsində baş tutub, hansı ki oradaTovuz Rayon Məhkəməsinin məhbus barəsində verilmiş həbs-qətimkan tədbiri barədə qərarı ilə bağlı apellyasiya şikayətinə baxılıb.

Bu görüş zamanı İ.Süleymanov vəkillərə qızın qətlində günahkar olmadığını və bütün etirafları fiziki təzyiq və işgəncə altında etdiyini bildirib. Bundan başqa, o, vəkillərə həbs edildikdən sonra ona yetirilən xəsarətlərin izlərini göstərib. Bununla əlaqədar olaraq vəkillər məhkəmə ekspertizasının aparılması üçün vəsatət qaldırıblar.

Baş Prokurorluğun şübhəli şəxsə qarşı zorakılıq tətbiq edilməsi barədə məlumatı təkzib edən rəsmi ifadəsini vəkillər vaxtından əvvəl verilən ifadə olaraq adlandırıblar.

“Məhkəmə Baş Prokurorluğa da eyni məktub göndərdi və indi bundan sonrakı hərəkətlərimizi müəyyənləşdirəcək cavab gözləyirik. İndi dediklərimiz istintaqın gedişinə mane ola bilər”, - deyə vəkillər bildirib.

Əlibaba Rzayev İ.Süleymanovun ruhi vəziyyətinin normal olduğunu deyib.

Qeyd edək ki, İ.Süleymanov Azərbaycan Respublikası Cinayət Məcəlləsinin 120-ci maddəsinin 2-ci bəndi (qəsdən adam öldürmə) və 145-ci (qanunsuz həbs) maddəsi ilə ittiham olunur.

Nərmin Quliyeva 21 noyabrda, saat 15:00 radələrində qonşularında toy şənliyi keçirilən zaman qaçırılıb. Yanvarın 6-da o, yaşadığı evin yaxınlığında yanmış halda ölü tapılıb. Qızın cəsədinin tapılması barədə qonşulara və polisə ilk məlumatı İ.Süleymanov verib. (oxu.az)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
54943

Növbəti buraxılış imtahanları başlayıb

25

İyun
10:59
ELM / TƏHSİL
53009

AMB-nin valyuta məzənnələri

23

İyun
10:11
İQTİSADİYYAT
54430

Nefti qiyməti bahalaşmağa başlayıb

23

İyun
09:30
İQTİSADİYYAT
54184

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
59624

QMİ yaslarla bağlı xəbərdarlıq etdi

19

İyun
18:10
ÖLKƏ
53863

İyunun 22-də dolların manata qarşı məzənnəsi

19

İyun
17:55
İQTİSADİYYAT
54200
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


06-12-2020 02:52





  [email protected]

Valyuta.com

Рейтинг@Mail.ru