UEFA AVRO-2020-nin seçmə mərhələsində Azərbaycan və Macarıstan yığmaları ilə qarşılaşacaq Uels millisinin zədəli futbolçularının durumuna aydınlıq gəlib.

Baş məşqçi Rayan Giqqzi daha çox komandanın liderləri – kapitan Qaret Beyl və Aaron Remsinin durumu qayğılandırır.

Uels komandasının oktyabrın 13-də Xorvatiya kollektivi ilə Kardiffdə 1:1 hesablı heç-heçə etdiyi matçda baldır əzələsindən təkrar zədə alan Beyl İspaniya təmsilçisi “Real Madrid”in heyətində son 4 oyunu buraxıb.

Madridlilərin baş məşqçisi Zinəddin Zidan yenicə məşqlərə başlayan 30 yaşlı hücumçunun noybarın 6-da Çempionlar Liqasının qrup mərhələsinin IV turunda Türkiyənin “Qalatasaray” kollektivi ilə ev, 3 gün sonra isə La Liqanın XIII turunda “Eybar” komandası səfər görüşündə meydana çıxacağına şübhə edir.

Qeyd edək ki, noybarın 16-da “Bakcell Arena”da keçiriləcək Azərbaycan – Uels oyunu saat 21:00-da başlayacaq. Nikola Yurçeviçin rəhbərlik etdiyi kollektiv 3 gün sonra Slovakiya komandasının qonağı olacaq. Trnavadakı Anton Malatinskiy stadionunda reallaşacaq görüş Bakı vaxtı ilə saat 23:45-də start götürəcək. (report)