Dəniz quldurları Norveçin JJ Ugland kompaniyasının MV Bonita gəmisinə  hücum edib. FaktXeber.com-un verdiyi məlumata görə, bu barədə şirkətin saytında xəbər verilib.

Məlumata görə, hücum zamanı 9 nəfər qaçırılıb.

"Pirat MV Bonita adlı gəmimizə şənbə günü səhər saatlarında Cotonou/ Benin sahillərindən kənarda lövbər salınarkən hücum edib. Doqquz ekipaj üzvü gəmidən qaçırılıb", - deyə məlumatda bildirilir.

Qalan heyət üzvləri hadisəni yerli hakimiyyət orqanlarına bildiriblər. Bonita gəmisi daha sonra Cotonou limanına yollanıb.

Gəminin qəza-xilasetmə  xidməti vəziyyəti izləyir və uyğun orqanlarla  lfimi rabitədədir.

Bundan başqa şirkət qaçırılan heyət üzvlərinin ailələri ilə əlaqə qurduğu da bildirilib. Qaçırılan şəxslərin Filippin vətəndaşları olduğu bildirilir.