NASA 2018-ci ilin dekabr ayında nəhəng bir meteoritin planetimizin atmosferinə daxil olduğunu bəyan edib. FaktXeber.com-un verdiyi məlumata görə, qurum  meteorun  II Dünya müharibəsində Hirosimaya atılan atom bombasının gücündən 10 dəfə artıq güclə partladığını vurğulayıb.

Maraqlıdır ki, alimlər bu hadisəni çox sonra müəyyən edib. Son 30 ildə öz növündə ən böyük ikinci səma cisminin Yerə çırpılmasının bu qədər gec fərqinə varılması elm dünyasında ciddi mübahisələr səbəb olub. 

Partlayış Berinq dənizində, Rusiyanın Kamçatka yarımadasında baş verib. Lakin müşahidəçilər partlayışı nə görüb, nə də bu barədə məlumat verib. Lakin bunu Yaponiyanın Himavari peyki qeydə alıb. Eyni zamanda  ABŞ HHQ bu hadisəyə şahid olaraq NASA-ya xəbər verib.

Partlayış səthin 15 mil məsafəsində baş verib və 173 kiloton enerji buraxıb. Müqayisə üçün bildirək ki, 1945-ci ilin avqustun 6-da Hirosimaya  atılan "Balaca oğlan" atom bombası 15 kiloton enerji ilə partlamışdı.