Xəbər Lenti

İnfoqrafika

Arxiv

Yazar

13 Mart

2019
14:27
540
Deputatlar: Qanunları bəzən özümüz də oxuyub başa düşmürük

Qanunların dili elə olmalıdır ki, onu hamı başa düşə bilsin. Bu məsələyə ciddi diqqət yetirilməli, qanunlarımız hamının başa düşdüyü, anladığı tərzdə yazılmalıdır.

Bunu millət vəkili Novruz Aslan parlamentin Aqrar siyasət komitəsinin martın 13-də keçirilən iclasında “Fitosanitar nəzarəti haqqında” qanuna dəyişiklikləri nəzərdə tutan qanun layihəsinin birinci oxunuşda müzakirəsi zamanı deyib.

“Biz özümüz bəzən bu qanunları oxuyub başa düşə bilmirik, o qədər qəliz şəkildə yazılır ki, anlamaq olmur. Onda bəs sıravi insanlar necə olsun?”, - deyən millət vəkili, ümumiyyətlə, qanun layihəsində “isə” sözünə, mötərizələrə ehtiyac olmadığını bildirib:

“Bunlar axı nəyə lazımdır? Hesab edirəm ki, bunlar gələcəkdə mütləq nəzərə alınmalı və yığışdırılmalıdır”.

Adıçəkilən komitənin sədri Eldar İbrahimov millət vəkilinin iradları ilə razılaşdığını bildirib.

“Bu qanunun qəbulundan on ildən çox vaxt keçir. O, 2006-cı ilin 12 may tarixində qəbul edilib və üstündən xeyli vaxt ötür. Hesab edirəm ki, həmin qanuna dəyişiklikləri nəzərdə tutan qanun layihəsinin növbəti oxunuşlarında və müzakirələrində bu məqamlar nəzərə alına bilər.

Hələlik birinci oxunuşdur, növbəti oxunuşlarda bu məsələlərə baxılması və onların nəzərə alınması mümkündür. Mənim də fikrim belədir ki, qanunlar sadə, hamının başa düşə biləcəyi dildə yazılmalıdır. Burada qəlizliyə ehtiyac yoxdur”, - deyə komitə sədri əlavə edib.(Oxu.az)

Məqalədə : Deputatlar Qanun 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Robert Köçəryan yenidən həbs olundu

25

İyun
16:13
DÜNYA
3457

FHN-dən sürücülərə müraciət - VİDEO

25

İyun
15:17
NƏQLİYYAT
1646

Şagird yerdəyişməsi elektronlaşdırılır

25

İyun
15:07
ELM / TƏHSİL
2811

Ukrayna heyəti AŞPA-nı tərk edib

25

İyun
14:54
DÜNYA
1102
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-06-2019 04:02



  (+994 55) 786-96-84

  [email protected]

Valyuta.com

Рейтинг@Mail.ru