Xəbər Lenti

İnfoqrafika

Arxiv

Yazar

16 Fevral

2019
11:34
709
Cinayət törədənlərin 86 faizi işsiz və savadsızlardır - RƏSMİ

Azərbaycanda narkotik vasitələrlə bağlı cinayətlər haqqında məlumatlar açıqlanıb.

Dövlət Statistika Komitəsindən Faktxeber.com-a bildirilib ki, Daxili İşlər Nazirliyinin məlumatlarına əsasən, 2018-ci ildə qeydə alınmış 26381 cinayət hadisəsinin 3239-u və ya 12,3%-i narkotik vasitələrin və psixotrop maddələrin qanunsuz dövriyyəsi ilə əlaqədar olub, onların da 57,1%-i satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldəetmə, saxlama, hazırlama, emaletmə, daşıma, 33,3%-i eyni hərəkətləri satış məqsədilə etmə, habelə bu maddələri istehsaletmə, göndərmə, yaxud qanunsuz olaraq satma, 7,2%-i qanunsuz olaraq tərkibində narkotik maddələr olan bitkiləri kultivasiyaetmə, 2,2%-i isə güclü təsir edən və ya zəhərli maddələrin satış məqsədilə qanunsuz dövriyyəsi ilə bağlı, 0,2%-i isə digər cinayətlərdir.

Hesabat dövründə narkotik vasitələrin və psixotrop maddələrin qanunsuz dövriyyəsi ilə bağlı 2492 nəfər cinayət törətmiş şəxs müəyyən edilib ki, onların da 99%-i cinayət məsuliyyətinə cəlb olunub.

Cinayət törətmiş şəxslərin 86,2%-ni heç yerdə işləməyən və oxumayanlar, 37,2%-ni əvvəllər də cinayət məsuliyyətinə cəlb olunmuş şəxslər təşkil edib. Cinayət törədənlərin 0,2%-i yetkinlik yaşına çatmayanlar, 6,9%-i 18-24 yaşlı, 13%-i 25-29 yaşlı gənclər, 79,9%-i isə 30 və yuxarı yaşlı şəxslər olub.

2018-ci ildə müsadirə edilmiş 2526,3 kiloqram bitki mənşəli narkotik maddələrin 1194,6 kiloqramını heroin, 755,6 kiloqramını marixuana, 362,5 kiloqramını tiryək, 89,2 kiloqramını həşiş, həşiş yağı və qətranı, 124,4 kiloqramını isə digər narkotik və güclü təsiredici vasitələr təşkil edib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Cinayət işsizlik 
Şərhlər
Oxucu tərəfindən 16-02-2019 19:30:08 tarixində yazıldı
İşsizlər üçün iş yeri açmaq lazımdır.
İşsizlər üçün iş yeri açmaq lazımdır. Ölkədə çoxlu zavod və fabriklər açmaq lazımdır ki, həm camaat işsiz qalmasın, evinə çörək pulu apara bilsin, həm də dövlətin valyuta ehtiyatı ehtiyatı ölkə daxilində qalsın.
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-03-2019 13:45



  (+994 55) 786-96-84

  [email protected]

Valyuta.com