Xəbər Lenti

İnfoqrafika

Arxiv

Yazar

19 Dekabr

2018
09:57
397
Sərbəst güləşçilərimiz mübarizəyə başlayır

Bakı İdman Sarayında keçirilən böyüklər arasında sərbəst və yunan-Roma güləşi üzrə ölkə çempionatının birinci gününə yekun vurulub.

Azərbaycan Güləş Federasiyasından FaktXəbər-ə verilən məlumata görə, çempionatın birinci günündə 55, 60, 63, 67, 72, 77, 82, 87, 97 və 130 kiloqramadək çəki dərəcələrində 206 pəhləvan yunan-Roma güləşi üzrə mübarizə aparıb.

Dünya Güləş Birliyinin (UWW) qaydalarına uyğun təşkil olunan yarışda finalçılar müəyyənləşib. Çempionatda 55 kiloqram çəki dərəcəsində finalda Zaur Əliyevin rəqibi Ziya Zeynalov olacaq. Altmış kiloqram çəki dərəcəsində qızıl medallar uğrunda Murad Bazarov və Mikayıl Rəhmanov üz-üzə gələcəklər. Azərbaycan çempionatında 63 kiloqram çəki dərəcəsində qalib adı uğrunda Taleh Məmmədov ilə Murad Məmmədov güclərini sınayacaqlar. Altmış yeddi kiloqram çəki dərəcəsində isə Elman Muxtarov və Kərim Cəfərov çempion adı uğrunda qarşılaşacaqlar. Digər çəki dərəcələri üzrə finallarda aşağıdakı qarşılaşmalar keçiriləcək: İslambek Dadov - Azad Əliyev (72 kq), Rüstəm Əliyev - Nəsir Həsənov (77 kq) Elvin Mürsəliyev - Elməddin Ramazanov (82 kq), İslam Abbasov - Rafiq Hüseynov (87 kq), Adil Hüseynov - Arif Niftullayev (97 kq), Musa Mirzəyev - Oyan Nəzəriani (130 kq).

Çempionatın reqlamentinə əsasən, yarışın birinci günündə yunan-Roma güləşçiləri mübarizə aparıblar. Dekabrın 19-da bu növ üzrə medal görüşləri keçiriləcək. Dekabrın 19-da sərbəst güləşçilərin mübarizəsinə start veriləcək. Sərbəst güləşçilərin qızıl və bürünc medal uğrunda qarşılaşmaları dekabrın 20-də təşkil olunacaq.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-04-2019 20:43



  (+994 55) 786-96-84

  [email protected]

Valyuta.com

Рейтинг@Mail.ru