İranda sünni-şiə vəhdətini təbliğ edən sünni imam sui-qəsd nəticəsində öldürülüb.

FaktXəbər-in "Mehr" agentliyinə istinadən məlumatına görə, sünni-şiə qardaşlığını müdafiə edən əhli-sünnə alimi Əbdülğəfur Camalzəhi Tehranın 300 kilometr şimal-qərbində yerləşən Qorqan şəhərində sübh namazı vaxtı ov tüfəngi ilə öldürülüb. 

O, məsciddən çıxarkən naməlum şəxs ov tüfəngindən atəş açıb. Kürəyindən güllə yarası alan imam yerindəcə dünyasını dəyişib.

İran təhlükəsizlik qüvvələri bölgədə genişmiqyaslı əməliyyatlara başlayıb.

Qeyd edək ki, İranın şimal-şərqindəki Gülüstan əyalətinin əhalisinin 40 faizdən çoxu sünnidir.