Xəbər Lenti

İnfoqrafika

Arxiv

Yazar

18 Oktyabr

2018
15:57
3105
UEFA `Qarabağ` - `Vorskla` oyunu ilə bağlı statistik məlumatları açıqlayıb

UEFA-nın rəsmi saytı Avropa Liqasının qrup mərhələsinin III turunda “Qarabağ” komandasının Bakıda Ukraynanın “Vorskla” kollektivinə qarşı keçirəcəyi oyunla bağlı statistik məlumatları açıqlayıb.

Məqalədə E qrupunda yer alan Ağdam və Poltava təmsilçilərinin ilk iki matçda uduzduqları və Bakıdakı qarşılaşmanın onların ilk xallarını qazanmaları üçün ideal şans olduğu vurğulanıb.

“Qarabağ” Portuqaliyada “Sportinq”, Bakıda isə İngiltərə “Arsenal”ına uduzmaqla bərabər, qol da vura bilməyib. Azərbaycan çempionu səfərdə 2, evdə 3 cavabsız qolla məğlub olub. “Vorskla” isə Londonda “topçular”a 2:4 hesabı ilə yenilib. Poltavalılar doğma meydanda “Sportinq”lə görüşdə qələbə qazanmağa yaxın olsalar da, 90+1 və 90+3-cü dəqiqələrdə qol buraxaraq uduzublar – 1:2.

Əvvəlki görüşlər

“Vorskla” heç vaxt avrokuboklarda Azərbaycan komandaları ilə qarşılaşmayıb. “Qarabağ” 2014/2015 mövsümündə Avropa Liqasında “Dnepr”lə eyni qrupda yer alıb. Yarışın gələcək finalçısını səfərdə 1 cavabsız qolla üstələyən ağdamlılar, evə 1:2 hesabı ilə məğlub olublar.

“Qarabağ”

- 2017/18 mövsümündə ardıcıl 5-ci dəfə Azərbaycan çempionu olan “Qarabağ” bütün hallarda avrokubokların qrup mərhələsində iştirak edib. Üç dəfə bu yarışda qüvvəsini sınayan Ağdam təmsilçisi, ötən mövsüm ÇL-nin qrupuna düşən ilk Azərbaycan klubu olub.

Bu mövsüm isə “köhlən atlar”ın qitənin ən nüfuzlu klub turnirində yolunu Belarus BATE-si kəsib – 0:1, 1:1. Əvəzində Avropa Liqasının pley-off mərhələsində Moldovanın “Şerif” komandasından iki oyunun nəticəsində güclü olan (0:1, 3:0) “Qarabağ” qrupa vəsiqə qazanıb.

- Qurban Qurbanovun rəhbərlik etdiyi kollektiv avrokuboklarda heç vaxt qrupdan çıxa bilməyib. Komanda Avropa Liqasının qrup mərhələsində evdə keçirdiyi 10 oyundan 2-də qalib gəldiyi halda, 4-də uduzub. “Qarabağ” Belçika “Anderlext”indən (1:0, 2015/2016) və Yunanıstanın PAOK klubundan (2:0, 2016/2017) güclü olub.

- “Qarabağ” Bakıdakı son 8 avrokubok matçından 2-də qalib gəlib. Bundan başqa, ağdamlılar son 5 ev oyununda qələbə qazanmayıblar. Bunlardan 4-də uduzan Ağdam klubu, ötən mövsüm Çempionlar Liqasında İspaniya “Atletiko”su ilə qolsuz bərabərə qalıb.

“Vorskla”

- Poltava klubu 2017/2018 mövsümündə Ukrayna Premyer Liqasında 3-cü yeri tutmaqla Avropa Liqasının qrupuna düşüb. Komanda milli çempionatda 1996/1997 mövsümünə təsadüf edən ən yaxşı göstəricisini təkrarlayıb.

- “Vorskla” avrokuboklarda 7-ci, qrup mərhələsində isə 2-ci dəfədir iştirak edir. Komanda 2011/2012 mövsümündə qrupa düşsə də, cəmi 2 xal qazana bilib və sonuncu yeri tutub. Ukraynalılar Belçika “Standard”ı (0:0) və Danimarkanın “Kopenhagen” (1:1) komandasından xal ala biliblər.

- Poltavalılar avrokuboklarda sonuncu səfər qələbəsini 2011/2012 mövsümünün pley-off mərhələsində Buxarest “Dinamo”su ilə görüşdə əldə ediblər – 3:2.

Komandalar arasında əlaqə

- “Qarabağ”ın müdafiəçisi Ansi Aqolli 2012-ci ilin yanvarında Ukraynanın “Krivbass” komandasından Azərbaycana gəlib. Albaniyalı müdafiəçi 2009/2010 mövsümündə hazırda “Vorskla”da çıxış edən Aleksandr Kobaxidze ilə komanda yoldaşı olub.

- “Vorskla” Avropa Liqasının qrupunda keçirdiyi 8 oyunun heç birində qalib gələ bilməyib. Bundan pis göstərici isə “Qəbələ” və Slovakiyanın “Slovan” komandalarına məxsusdur – 12 oyun.

Baş məşqçilər

- Qurban Qurbanov Azərbaycan millisinin ən yaxşı bombardiridir. O, 64 matça 12 qol vurub. Futbolçu karyerasında çoxlu sayda klub dəyişən 46 yaşlı mütəxəssis məşqçi işində “Qarabağ”da lövbər salıb. Qurbanov bu ilin avqustunda Ağdam komandasının sükanı arxasında 10 illiyini qeyd edib. Qurbanov bu müddətdə ardıcıl 5 dəfə ölkə çempionu olub və 4 dəfə Azərbaycan Kubokunu götürüb. Ən önəmlisi ÇL-in qrupuna vəsiqə qazanan ilk azərbaycanlı məşqçi kimi tarixə düşüb. O, 2017-ci ilin noyabrından paralel olaraq Azərbaycan millisinə də rəhbərlik edir.

- Vasili Saçko Ukraynanın yüksək dəstəsində “Volın” və “Krivbass”da çıxış edib. 2008-ci ildə “Vorskla”ya keçən ucaboy (190 sm) mərkəz hücumçusu artıq 10 ildir ki, klubdadır. 43 yaşlı mütəxəssis ilk 4 mövsümü oyunçu, növbəti 2 ili köməkçi-məşqçi kimi keçirib. O, 2014-cü ildən baş məşqçi vəzifəsindədir. Komanda 2017/2018 mövsümündə onun rəhbərliyi altında ölkə çempionatında 3-cü yeri tutub və qrup mərhələsinə vəsiqə əldə edib. 

Qeyd edək ki, oktyabrın 25-də Bakı Olimpiya Stadionunda keçiriləcək “Qarabağ” – “Vorskla” oyunu saat 20:55-də başlayacaq.(Report)

Məqalədə : UEFA Qarabağ Vorsk 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

ATƏT-in nümayəndə heyəti Ağdama gəlib

25

İyun
09:45
SİYASƏT
1390

İnquşetiya prezidenti istefa verdi

24

İyun
20:35
DÜNYA
106

Sami Yusuf Bakıdadır - FOTO

24

İyun
19:55
MARAQLIDIR
1824

Diqqət! Tıxac var

24

İyun
16:56
NƏQLİYYAT
548

"Kənd təsərrüfatına gənclər cəlb edilməlidir"

24

İyun
16:05
İQTİSADİYYAT
1643

Zelenski üç qubernatoru işdən qovdu

24

İyun
15:38
DÜNYA
1770

AŞ PA-nın yay sessiyası işə başlayıb

24

İyun
15:32
SİYASƏT
2014

Günün qarşılaşmaları TV AFİŞA

24

İyun
15:25
İDMAN
1313
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-06-2019 09:53



  (+994 55) 786-96-84

  [email protected]

Valyuta.com

Рейтинг@Mail.ru