Xəbər Lenti

İnfoqrafika

Arxiv

Yazar

05 Oktyabr

2018
15:33
Külli miqdarda narkotik vasitə qanunsuz dövriy­yədən çıxarılıb

Dövlət Sərhəd Xidməti (DSX) tərəfin­dən sərhəd mühafizəsinin etibarlı təminatı sahəsində tədbirlər da­vam etdi­rilir.

DSX-dən FaktXəbər-ə verilən məlumata görə, 2018-ci ilin 30 sentyabr tarixində DSX əməkdaşlarının sayıqlığı və pe­şəkarlığı sayəsində külli miqdarda narkotik vasitənin qanunsuz dövriy­yədən çıxarılmasına nail olunub.

Həmin tarixdə saat 03:10 radələrində alınmış əməliyyat məlumatı əsasında DSX-nin Sərhəd Qoşun­larının “Göytəpə” sərhəd dəstəsinin xidməti ərazisində, Yardımlı-Arus kəndi istiqamətində əməliyyat-axta­rış tədbiri həyata keçirilib, “VAZ-2107” markalı 90-BB-979 və “Mer­cedes” markalı 90-BK-471 dövlət qeydiyyat nömrə nişanlı avto­mo­billər baxış keçirilməsi üçün saxlanılıb.

Saxlama zamanı “Mer­ce­des” markalı avtomobil tabesizlik göstə­rmiş və Masallı rayon istiqa­mətində hərəkət edərək 1 kq narkotik maddəni əraziyə atıb. Qarşılıqlı əlaqədə olan Masallı rayonu polis şöbəsinin əməkdaşları tərəfindən həmin avtomobil saxlanılıb, avtomobildə olan 1 nəfər şəxs polis əməkdaşlarının qanuni tələblərinə məhəl qoymayaraq meşəlik əraziyə qaçmağa nail olub.

Əraziyə və avtomobillərə baxış zamanı 8600 qram “heroin” və “tiryəkə” bənzər narkotik maddə aşkar olunub. Saxlanılmış və­tən­daşların şəxsiyyətləri dəqiqləşdirilib, onların Yardımlı rayon sa­kin­ləri 1974-cü il təvəllüdlü Şirbəyev Habil Yaşılxan oğlu, 1983-cü il təvəllüdlü Qurbanov Zaur Camalxan oğlu və Salyan rayon sakini 1993-cü il təvəllüdlü Ağayev Malik İlyas oğlu olma­ları müəyyən edilib. Hadisə yerindən qaçmış 4-cü şəxsin axtarışı üzrə müvafiq tədbirlər həyata keçirilir.

Hadisə ilə əlaqədar DSX-nin istintaq və təhqiqat idarəsi tərəfindən Cinayət Məcəlləsinin müvafiq maddələri ilə cinayət işi başlanılıb, zəruri əməliyyat-istintaq tədbirləri davam etdirilir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : narkotik 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


13-11-2018 05:08



  (+994 55) 786-96-84

  [email protected]

Valyuta.com