Xəbər Lenti

İnfoqrafika

Arxiv

Yazar

01 Oktyabr

2018
15:09
Qəzvin-Astara dəmiryolu xəttinin bir hissəsi hazırdır

Qəzvin-Rəşt-Astara(İran)-Astara(Azərbaycan) dəmiryolu xəttinin Qəzvin-Rəşt hissəsi gələn ilin mart ayında istismara veriləcək. FaktXeber.com-un məlumatına görə, bu açıqlama ilə tikinti işlərini həyata keçirən “Railway Services and Technical Construction Engineering Company” şirkəti çıxış edib. Açıqlamada bildirilib ki, yol boyu bütün tunellər və körpülər tam hazırdır və relslər bərkidilib.

İran İslam Respublikası Dəmir Yolları İdarəsinin icraçı direktoru Səid Məhəmmədzadə isə şirkətin açıqlamasını təsdiqləyib. Sentyabrın 29-da Azərbaycandan səfərdən qayıdan S.Məhəmmədzadə yerli mətbuata bildirib ki, səfər zamanı Azərbaycan Dövlət Dəmir Yolları QSC-nin rəhbərliyi ilə görüşərək Astara şəhərində dəmir yolu terminalının tikintisini müzakirə edib. Onun sözlərinə görə inşaat işləri sürətlə davam edir. İcraçı direktor terminalın tikintisinin yaxın vaxtlarda baca çatacağını da qeyd edib.

Xatırladaq ki, “Şimal-Cənub” Beynəlxalq Nəqliyyat Dəhlizinin əsas komponentini təşkil edən Qəzvin-Rəşt-Astara(İran)-Astara(Azərbaycan) dəmir yolu Fars körfəzi ilə Avropanı birləşdirəcək. Cənub-Şərqi Asiya ölkələrindən Avropaya ixrac edilən yüklər dəmir yolu vasitəsilə İran və Azərbaycan üzərindən keçməklə Avropaya çatdırılacaq. Yüklərin əks istiqamətdə daşınması da məhz bu yolla həyata keçiriləcək.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : İran Azərbaycan dəmiryuolu 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-10-2018 05:08



  (+994 70) 870-47-49       (+994 55) 786-96-84

  [email protected]

Valyuta.com