Xəbər Lenti

İnfoqrafika

Arxiv

Yazar

28 Sentyabr

2018
12:24
3089
Bakı metrosunda yeniliklər olacaq

“Şəhərdə əhalinin sıxlığını nəzərə alaraq, yeni tikilən metro stansiyaların platformaları daha geniş olacaq,  7 vaqon qoşula bilən qatarlar istifadə ediləcək”.

Bunu Faktxeber.com “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov deyib. O xatırladıb ki, hazırda köhnə yaşıl-qırmızı xətdə bir qatarda 5 vaqon qoşula bilir:

“Mövcud xətdə vaqonların artırılması mümkün deyil. Metro tikilən ilk illərdə qatarlara 3 vaqon qoşulub. Sonradan bu, 4-ə çatdırılıb. 1980-ci illərdən etibarən isə qatarlara 5 vaqonun qoşulmasına nail olunub. Əvvəlki stansiyalarda platformalar genişləndirib, 7 vaqonluq qatarların istifadəsinə nail olmaq üçün infrastruktur tamamilə yenilənməlidir.

2008-ci ildə prezidentin sərəncamı ilə Metropolitenin inkişafı üzrə araşdırmalara başlanıb. 2010-cu ildə yekunlaşan araşdırmalar zamanı  sosial-iqtisadi təhlillər aparılıb, ictimai nəqliyyat üzrə sərnişinlər arasında sorğu keçirilib, sərnişinlərin ictimai nəqliyyata tələbatı öyrənilib. Bu zaman gediş-gəlişin orta məsafəsi, səbəbi və tezliyi müəyyən edilib və hərəkət intensivliyini yaradan mərkəzlərin - təhsil, səhiyyə, mədəniyyət ocaqlarının, nəqliyyat qovşaqlarının, stadionlar və s. əsas rolu öyrənilib. Bütün bunlar gələcək stansiyalar tikilərkən nəzərə alınacaq”.

Metronun hər zamankı kimi, ən rahat və təhlükəsiz nəqliyyat vasitəsi olaraq qalacağını vurğulayan B, Məmmədov yeni stansiyaların tikilməsi prosesinin davam etdiyini də diqqətə çatdırıb:

“Metrostansiyaların inşası ilə bağlı gələcək planlara əsasən, yaşıl-qırmızı xəttin ayrılması da nəzərdə tutulur. Bu o deməkdir ki, “28 may” metrostansiyası, “Cəfər Cabbarlı” və digər stansiyaların yükü azalacaq. Beləliklə, sərnişinlərin metroya daxil olmasını, hərəkət istiqamətləri də dəyişəcək. Məsələn, inşa edilməsi nəzərdə tutulan “Həzi Aslanov 2” metrostansiyasının “Xətai” stansiyası istiqamətində inkişafı planlaşdırılır.

Sərnişinlərin çox az istifadə etdiyi stansiyalarda hərəkətin artırılması üçünsə, yerüstü infrastrukturun inkişaf etdirilməsi ilə bağlı təkliflər verilir. Həmin ərazilərdə insanların məskunlaşması, iqtisadi inkişafın bərqərar olunması nəticəsində metro istifadəçilərinin də sayı tədricən artacaq”.

Qurum sözçüsü əlavə edib ki, hazırda 3-cü mikrorayon, “Papanin” istiqamətində yeni metrostansiyanın tikintisi aparılır:

“Bu stansiyanın 2020-ci ilin əvvəlində sərnişinlərin istifadəsinə verilməsi gözlənilir. “Avtovağzal” stansiyasında olduğu kimi, bu stansiya da müasir tələbata uyğun, yeni sistemlə inşa edilir”.

Məqalədə : Bakı metrosu 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Yol polisindən “plyonka xəbərdarlığı"

26

İyun
14:05
NƏQLİYYAT
2040

Azərbaycan nefti cüzi bahalaşıb

26

İyun
12:26
İQTİSADİYYAT
2158

Sabahın hava proqnozu açıqlanıb

26

İyun
12:22
ÖLKƏ
1827

Günün qarşılaşmaları TV AFİŞA

26

İyun
12:08
İDMAN
579

Fazil Məmmədovun səhhəti pisləşdi

26

İyun
10:44
ÖLKƏ
141

Neft kəskin bahalaşıb

26

İyun
09:53
İQTİSADİYYAT
1947

“Ata Holding” zərərlə işləməyə başlayıb

26

İyun
09:50
İQTİSADİYYAT
112

Jurnalist Fuad Abbasov Azərbaycana deportasiya olunub

25

İyun
22:44
HÜQUQ,HADİSƏ
132
Mövzu üzrə xəbərlər
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-06-2019 18:11



  (+994 55) 786-96-84

  [email protected]

Valyuta.com

Рейтинг@Mail.ru