Xəbər Lenti

İnfoqrafika

Arxiv

Yazar

26 Sentyabr

2018
10:38
Azərbaycanlıya Rusiya təcridxanasında işgəncə verilib - VİDEO

Rusiyanın Stavropol bölgəsinin istintaq komitəsi Yarbala Dəmirovun 11 saylı islahedici koloniyada işgəncəyə məruz qalması ilə bağlı dediklərinin əsasında cinayət işi başlatmayıb. 

Oxu.Az Rusiya KİV-ə istinadla xəbər verir ki, müstəntiqlər bu məlumatı sübut edəcək faktlar aşkar etməyiblər. 

“Kifayət qədər fakt olmadığı üçün cinayət işinin başlanmasından imtina ilə bağlı qərar qəbul edilib”, - komitədən bildirilib.

Gulagu.net layihəsinin yaradıcısı Vladimir Oseçkinin müraciəti üzrə araşdırmalar aparılıb. Oseçkin deyib ki, iyunun 29-30-da koloniyada Azərbaycan əsilli Dəmirovun sağ ayağını və dişlərini sındırıblar, eləcə də, sol əlinə xəsarət yetiriblər. 

Həmçinin, Dəmirovun işgəncələr barədə danışdığı video yayımlayıb. O deyib ki, birinci gün beş nəfər müxtəlif kabinetlərdə onu dəyənək, çubuq və ayaqla döyüb. Rusiya Federal Penitensiar Xidmətinin əməkdaşları onun kağızı imzalamasını istəyiblər, ancaq Dəmirov bundan imtina edib:

“Mən orada nə yazıldığını bilmirdim, oxumağı və yazmağı bacarmıram”.

Məhbus deyib ki, növbəti gün onu rəisin yanına aparıblar. Orada da beş nəfər tərəfindən döyülüb. 

“Dəyənək, çubuq və ayaqla döyməyə başladılar, deyirdilər ki, indi səni tualetə aparıb, baş üstə ora buraxacağıq. Onlar məni döyən zaman nə edəcəyimi bilmirdim. Üç gün döydülər, sonra imza atdım”, - Dəmirov əlavə edib. 

Sonra məhbus ayağında ağrılar hiss edib və xahiş edib ki, onu həkimə aparsınlar. Əvvəlcə bundan imtina etsələr də, sonra həkim çağırılıb. O deyib ki, penitensiar xidmətin əməkdaşları onu döyüb və bunun üçün rentgen olunmalıdır. 

Bir neçə gün sonra xidmət əməkdaşları onu başqa həkimin yanına aparıblar, həmin tibb işçisi Dəmirovun sağlam olduğu ilə bağlı arayış hazırlayıb.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : həbsxana 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-10-2018 03:21



  (+994 70) 870-47-49       (+994 55) 786-96-84

  [email protected]

Valyuta.com