Xəbər Lenti

İnfoqrafika

Arxiv

Yazar

14 İyul

2018
20:02
Azərbaycanlı dizayner ABŞ üçün yeni “Tank” hazırladı - FOTO

Azərbaycanlı dizayner Samir Sadıqov Amerikanın Kaliforniya ştatında yerləşən məşhur “Rezvani Motors” avtomobil şirkəti üçün “Tank Military Edition” adlı ofrouderinin yeni modifikasiyasını təqdim edib.

FaktXəbər Azərtac-a istinadən bildirir ki, Gəncə şəhərində anadan olmuş Samir Sadıxov İtaliyanın Avropa Dizayn İnstitutunu bitirib.

Bu, həmyerlimizin Amerika şirkəti ilə reallaşdırdığı sayca üçüncü layihəsidir. O, bundan öncə “Rezvani Motors” üçün “BEAST” super avtomobili və “Tank” avtomobilini dizayn edib.

“Tank Military Edition” adını almış avtomobil “Tank” modelindən zirehli kuzovu, əlavə müdafiə vasitələri və 717 at qüvvəli V8 Hellcat mühərriki ilə fərqlənir.

Yeni model avtomobil zirehli kapsulaya və hücum tüfənginin atəşinə davam gətirən şüşələrə sahib olub. Avtomobilin akkumulyator batareyası və yanacaq çəni də kevlardan hazırlanmış müdafiə örtüyü ilə təchiz edilir. “Tank Military Edition” avtomobilinin altı da partlayışlardan müdafiəni təmin etmək üçün gücləndirilib.

“Tank Military Edition” modelinin təchizatına radiatorun müdafiəsi, hərbi şinlər, çıxan qapı dəstəkləri, tüstü qatı sistemi, gecə görüntü sistemi, gözqamaşdıran işıqlar, stroboskoplar, sirena, əleyhqazlar, ilk yardım dəsti və soyuqdan müdafiə sistemi daxildir. Əlavə avadanlıq siyahısına bir neçə növ tənzimlənən asqı sistemi, interyer tərtibatı və rəng həlləri daxil edilib. Yeni modelin başlanğıc qiyməti 295 min dollar təşkil edir.

Xatırladaq ki, “Rezvani Tank” modeli keçən ilin oktyabrında debüt edib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-10-2018 11:15



  (+994 70) 870-47-49       (+994 55) 786-96-84

  [email protected]

Valyuta.com