Xəbər Lenti

İnfoqrafika

Arxiv

Yazar

23 May

2018
13:14
AFFA `Qəbələ`nin kapitanını 3 oyunluq cəzalandırıb

AFFA İntizam Komitəsi “Qəbələ” klubunun futbolçusu Cavid Hüseynovu 3 oyunluq cəzalandırıb. "FaktXəbər"in Peşəkar Futbol Liqasının rəsmi saytına istinadən verdiyi məlumata görə, buna səbəb əyalət təmsilçisinin kapitanının Azərbaycan Premyer Liqasının XXVIII turunda “Qarabağ”la matçın 45+2-ci dəqiqəsində aqressiv davranışa görə birbaşa qırmızı vərəqə alaraq meydançadan kənarlaşdırılması ilə bağlıdır. 

“Qəbələ” C.Hüseynovun bu davranışına görə 2400 manat cərimə də ödəyəcək.

XXVIII turun “Sumqayıt” – “Zirə” matçında qonaqların 6 futbolçusu sarı vərəqə ilə cəzalandığı üçün klub 800 manat cərimə olunub. Oyunun 90+3-cü dəqiqəsində meydan sahiblərinin azarkeşləri tərəfindən meydançaya kənar əşyalar atıldığı üçün klub 1600 manat cərimələnib.

“Kəpəz” – “Neftçi” görüşünün 87-ci dəqiqəsində qonaqların futbolçusu Kiril Petrov ikinci sarı vərəqə alaraq meydançadan kənarlaşdırıldığı üçün 1 oyunluq cəzalanıb, kluba 200 manat cərimə kəsilib.

Qeyd edək ki, Azərbaycan Premyer Liqasında 2017/2018 mövsümünə yekun vurulduğu üçün cəzalar növbəti çempionata şamil olunur.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Cavid Hüseynov 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-09-2018 03:22



  (+994 70) 870-47-49       (+994 55) 786-96-84

  [email protected]

Valyuta.com