Rusiyada Telegramın qadağan edilməsindən sonra digər sosial şəbəkələrin də bağlanması gündəmə gəlib. İlk dəfə digər şəbəkələrdən Twitterin bloklanması 2014-cü ildə müzakirə olunub.

FaktXəbər-in verdiyi məlumata görə, Rusiyada kütləvi informasiya və sosial mediaya nəzarət təşkilatı olan "Roskomnadzor"un direktor müavini Maksim Ksendzov mikrobloqun bir neçə dəqiqə ərzində qadağan edilə biləcəyini açıqlayıb.

Eyni təhdidlər cari ildə Facebook administrasiyasına da daxil olub. "Roskomnadzor" rəsmiləri "Fərdi məlumatlar haqqında" qanunun icrası ilə əlaqədar 2018-ci ildə sosial şəbəkədə yoxlamaların aparılacağını bəyan edib.
 
Dünyaın ən iri video paylaşım saytı olan YouTube isə artıq bir neçə ildir bağlanmaq təhlükəsi ilə üzləşib. Buna səbəb "Roskomnadzor"un bəzi səhifələrin bloklanması tələbinin yerinə yetirilməməsidir.