Xəbər Lenti

İnfoqrafika

Arxiv

Yazar

06 Aprel

2018
16:50
Müttəfiqi Cəlaloğlunu dəstəkləmədi
İqbal Ağazadə: "10 min dollar məsələsi mənə maraqlı deyil"

“Bu, mənim qarışacağım məsələ deyil, öz aralarında həll etsinlər”.

FaktXəbər-in məlumatına görə, bu fikirləri "Yenicag"a açıqlamasında millət vəkili, prezidentliyə namizəd Qüdrət Həsənquliyevin prezidentliyə digər namizəd Sərdar Cəlaloğlunun “Prezident Aparatından hər ay 10 min dollar alması” haqda ittihamına münasibət bildirən Ümid Partiyasının sədri İqbal Ağazadə deyib.

Ağazadə yaxın müttəfiqlik münasibətində olduğu, hətta 11 aprel növbədənkənar prezident seçkilərində namizədliyini dəstəklədiyi Sərdar Cəlaloğluna qarşı irəli sürülmüş bu ciddi ittiham haqqında danışmaq istəməyib:

“Mən o şəxslərin mövqelərinə hörmətlə yanaşmışam. Ancaq bu, mənim qarışacağım məsələ deyil. Onu tərəflər öz aralarında həll etməlidirlər”.

Ümid sədri müttəfiqinin ünvanına səsləndirilmiş ittihamın ona maraqlı olmadığını bildirib:

“Bu məsələ mənim üçün maraqlı deyil”.

Qeyd edək ki, Qüdrət Həsənquliyev ötən gün mətbuata verdiyi açıqlamada Sərdar Cəlaloğlunun hakimiyyətdən maliyyələşdiyini deyib:

“Bir neçə il öncə o dəfələrlə qəbuluma gəldi ki, adını çəkmək istəmədiyim, Prezident Administrasiyasında işləyən bir məmur ayda ona 10.000 dollar pul verir, amma o şübhələnir ki, həmin məmur ona pul “atır”.

Məndən xahiş etdi ki, bu məsələyə aydınlıq gətirmək üçün ona kömək edim. Mən də dedim ki, bu çox çətin məsələdir, amma çalışaram nəsə öyrənim”.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-10-2018 07:52



  (+994 70) 870-47-49       (+994 55) 786-96-84

  [email protected]

Valyuta.com