Soçi Konqresində  iştirak edən Rusiya XİN rəhbəri Serqey Lavrov Suriya müxalifətini susdurmaq məcburiyyətində qalıb. FaktXeber.com-un RİA Novosti-yə istinadla verdiyi məlumata görə, belə ki, nazirin çıxışı bir neçə dəfə kəsmək cəhdi olub. 

XİN rəhbəri nümayəndələrə RF prezidenti Vladimir Putinin müraciətini çatdırdıqdan sonra  öz adından da bir neçə söz demək istəyib. Lakin Suriya müxalifətinin bir nümayəndəsi onun sözunu kəsərək «Yaşasın Rusiya! Yaşasın dostluq», - deyib. Öz həmkarının dostyana ruhiyyəsi ilə razılaşmayan digər müxalifətçi onunla ərəb dilində  mübahisə etməyə başlayıb.

Lavrov onları sakitləşdirməyə çalışsa da, polemika davam edib. Bundan sonra bir daha «Yaşasın Rusiya!» şüarı səslənib.

«Dostlar, bir daha diqqətinizi xahiş edirəm. Əgər «Rusiya yaşasın» deyirsinizsə, izn verin sözümü çatdırım», - deyə XİN rəhbəri asayişə çağırıb.

Bundan sonra çxışına davam edən Lavrov İran, Türkiyə və BMT nümayəndələrinə forumun hazırlığında birgə fəaliyyətləri üçün təşəkkürünü bildirib.

Qeyd edək ki, Soçi Konqresində Suriyanın bütün siyasi və etno-dini qruplarını təmsil edən 1500 nəfərdən artıq nümayəndə iştirak edir. Tədbir gecikmə ilə başlamışdı. Səbəb isə  Suriya bayraqları ilə qarşılanan müxaliflərin aeroportdan çıxmağı rədd etməsi olub. 

Konqresdə əsas məsələ  Yeni Konstitusiya üzərində iş və Konstitusiya Komissiyasının yaradılmasıdır.

Rusiya prezidentinin  Suriya məsələləri üzrə  müşaviri  Aleksandr Lavrentyev konqresin artıq 3 sənədi qəbul etdiyini bildirib: «Üç sənəd təsdiqlənib: yekun  bəyanat, iştirakçıların  müraciəti, həmçinin  Suriya Konstitusiyasının hazırlanması ilə bağlı  məsələlərə baxanı Komisiyaya namizədlərin  siyahısı».

O, həmçinin  vurğulayıb ki, bir neçə soyad razılaşdırıldıqdan sonra siyaşı BMT Baş Katinin  xüsusi nümayəndəsi  Staffan de Misturaya təqdim olunacaq. Nümayəndə Suriya üzrə  Konstitusiya  Komissiyasının  yaradılması ilə məşğul olacaq. 

«Mənim Soçidə hər hansı səbəbdən iştirak edə bilməyən iştirakçıları əlavə etmə imtiyazım var», - deyə Mistura bəyan edib.

Bildirilir ki, BMT xüsusi nümayəndəsi  Rusiya, İran və Türkiyə tərəfindən təqdim olunan  namizədlərin siyahısı arasından seçim edəcək. Hər siyahıda 50 ad olacaq. Mistura bildirib ki, yekunda  Konstitusiya Komissiyasında 45-50 nəfərdən artıq insan omayacaq.