"Ginnesin Rekordlar Kitabı"nın qeydə aldığı ən hündür və ən kiçik şəxslər arasında Misirdə görüş baş tutub. FaktXəbər-in verdiyi məlumata görə, Misir Turizm Şurasının dəvəti ilə ənlərin görüşü piramidalar önündə reallaşıb.
 
Türkiyəli 35 yaşlı fermer Sultan Kəsən 251 sm-lik boya malik olmaqla dünyanın ən hündür şəxsi hesab edilir. Onun antonomi isə 62 sm-lik boya malik olan hindistanlı Corti Amdjidir.

Bildirilir ki, Kəsənin bu qədər hündür olması onda hipofiz şişi ilə bağlıdır. Onun orqanizmi xəstəlik səbəbindən hormonu normadan artıq ifraz edir.

24 yaşlı Hindistan sakini isə irsi olaraq axondroplaziya - sümüklərin inkişafdan qalması xəstəliyindən əziyyət çəkir.