Səudiyyə Ərəbistanında uzun müddət 5 ulduzlu hoteldə saxlanılan şahzadə və məmurların hər biri azadlığa çıxıb. Səudiyyəli şahzadələrin ümumilikdə 100 milyard dollar məbləği ödədikdən sonra azadlıq əldə etdikləri bildirilir.

FaktXəbər-in "Reuters" agentliyinə istinadən verdiyi məlumata görə, sərbəst buraxılanlar arasında bin Laden qardaşları da var. Onlar da tələb olunan məbləği ödədikdən sonra azadlığa çıxıblar.

Qeyd edək ki, Səudiyyə Ərəbistanında ötən ilin yazından başlayan korrupsiya araşdırmalarının səbəb olduğu həbslər bu gün rəsmən sona çatıb. Paytaxt ər-Riyaddakı beş ulduzlu "Rits Karlton" hotelində saxlanılan şahzadə və nazirlərdən ibarət  300nəfərdən çox şəxsin hər biri azadlığa çıxıblar.