Xəbər Lenti

İnfoqrafika

Arxiv

Yazar

27 Yanvar

2018
21:02
Rusiyada polis küçədə ürəyi dayanmış Azərbaycan vətəndaşını xilas edib

Rusiyanın Stavropol diyarında küçədə ürəyi dayanan Azərbaycan vətəndaşı ölümdən xilas edilib.

Bu barədə Rusiya Daxili İşlər Nazirliyinin region üzrə Baş İdarəsi məlumat yayıb.

Ötən gün Stavropolda xidməti vəzifəsini yerinə yetirən kinoloq mütəxəssis İvan Busaryev nəzarət buraxılış məntəqəsi yaxınlığındakı mağazadan kiminsə kömək istədiyini eşidib. Hadisə yerinə gedən polis serjantı huşunu itirmiş kişi aşkar edib. Həmin şəxsin nəfəsi gəlmirmiş və nəbzi dayanıbmış. Polis dərhal radio stansiyası vasitəsi ilə həmkarlarına xəbər verib. Onlar hadisə yerinə "təcili yardım" çağırıblar, asayiş keşikçisi özü isə kişi üzərində təcili reanimasiya tədbirləri görüb. Nəticədə 42 yaşlı Azərbaycan vətəndaşının ürək fəaliyyəti və nəfəsi bərpa olunub, kişi özünə gəlib.

Zərərçəkmiş hadisə yerinə gələn tibb işçiləri tərəfindən stasionar müayinə üçün xəstəxanaya aparılıb. Hazırda Azərbaycan vətəndaşı evə buraxılıb./Report

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : azərbaycanlı 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-11-2018 18:25



  (+994 55) 786-96-84

  [email protected]

Valyuta.com