Xəbər Lenti

Sorğu

İnfografika

Arxiv

Yazar

05 Dekabr

2017
11:23
2493
Tanınmış pedaqoq intihar edən şagirddən yazdı

«12 yaşlı məktəblinin intiharı dəhşətli xəbərdir. Bir çoxları səthi yanaşır bu məsələyə. Amma bu bir ailənin və ya uşağın problemi deyil. Rayonlarda valideynlər öz uşaqlarına çox az vaxt ayırır, uşaqları ilə maraqlanmırlar». FaktXeber.com-un məlumatına görə, bunu kəndləri gəzərək uşaqlara kitab paylamaq kimi kreativ ideyaları ilə mütəmadi gündəmə gələn və Lənkəran rayonu Gəgiran kənd tam orta məktəbində tarix müəllimi işləyən Həbib Əlizadə dünən intihar edən 12 yaşlı məktəbli ilə əlaqədar paylaşdığı statusunda deyir. Pedaqoqun sözlərinə görə, bu, çox ciddi məsələdir: 

- Valideyn-məktəb əlaqəsi nə qədər yaxşıdır, yəni məktəb uşağı və valideyni, valideyn isə müəllimi yaxından tanıyırmı?

- Məktəblərdə psixoloqlar uşaqlarla nə qədər maraqlanır və ya ümumiyyətlə məktəblərdə psixoloji xidmət varmı həqiqətən? 

- Valideynlər üçün hər hansı qurumlar tərəfindən davamlı seminarlar təşkil edilirmi və ya uzunmüddətli layihələr varmı?

Gənc müəllimin sözlərinə görə, bu siyahını artırmaq da olar.

Statusunun sonunda o, çox acınacaqlı bir hadisəni də qeyd edib: «Bu gün bir müəllim mənə dedi ki, bir çox valideyn övladının ayaqqabı ölçüsünü bilmir. Dedim bu hələ harasıdır, elə valideyn var ki, uşağının neçənci sinifdə oxuduğunu bilmir...»

Xatırladaq ki, Ağdaşda 2005-ci il təvəllüdlü Adıgözəlov İsmayıl Çingiz oğlu yaşadığı evin həyətindəki tövlədə özünü asaraq intihar edib. 

Məqalədə : Həbib Əlizadə 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2017 23:42

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru