Xəbər Lenti

Sorğu

İnfografika

Arxiv

08 Noyabr

2017
20:06
585
AİP Ərbəin günü münasibəti ilə dünya müsəlmanlarına başsağlığı verdi

Azərbaycan İslam Partiyası İmam Hüseynin(ə) Ərbəin günü münasibətilə bütün dünya müsəlmanlarına başsağlığı verib

AİP-in Mətbuat Xidmətindən FaktXəbər-ə daxil olan partiya rəhbərliyinin müraciətində deyilir:

“İslam təqvimi ilə sabah şəhidlər sərvəri, Əhli-Beytin(ə) üçüncü İmamı İmam Hüseyn ibn Əlinin(ə) və Kərbəla şəhidlərinin şəhadətindən 40 gün keçir. Bu ənənə peyğəmbərin(s) böyük səhabəsi Cabir ibn Abdullah Ənsari tərəfindən ilk dəfə Kərbəla şəhidlərini ziyarət etməklə qoyulmuşdur. Bu gün İslam tarixində Aşura günündən sonra ən əlamətdar və həm də böyük izdihamla, dünyanın hər yerində, xüsusən də İmam Hüseyn(ə)-ın şücaətinin və şəhadətinin baş verdiyi Kərbəla şəhərində xatırlanan, qeyd olunan gündür.

İslam tarixi öyrənildikcə, təbliğ olunduqca məlum olur ki, İmam Hüseyn(ə) haqqında hədis və alimlərin tədqiqləri deməyə əsas verir ki, İmamın(ə) gördüyü iş və əməlləri heç də Peyğəmbərlərin iş və əməllərindən fərqlənmir. Allah-təala əgər İslam dinini bəşəriyyətin xilası üçün göndərmişdisə, Öz seçilmiş bəndəsi olan İmam Hüseyni(ə) bu dinin məhv edilməkdən xilası üçün göndərdi. Kərbəla vaqeəsinin mahiyyəti məhz İslam dininin yenidən dirçəlişi və qiyamətə qədər yaşamasını özündə ehtiva edir.

İslam tarixinin bu əvəzsiz dəyərinə görədir ki, Kərbəla müsibəti dinimizin qələbəsi, İmam Hüseynin sonsuz qəhrəmanlığı, əbədiyaşardır. Hər il çağırışsız, dəvətsiz, məcburiyyətsiz, könüllü, böyük şövq və məhəbbətlə, İmam Hüseynə(ə) dərin və sonsuz sevgi ilə bu şəhidlər sərvərini on milyonlarla insan Ərbəin günü ziyarət edir, çətinliklərdə olan müsəlman qövmünə bu müqəddəs məkanda Allahdan kömək diləyirlər.

Azərbaycan İslam Partiyası olaraq İmam Hüseynin(ə) və onun Əhli-beytinin(ə) Kərbəla çölündə şəhid olmasının 40-ı, Ərbəin günü münasibətilə öncə zamanın İmamı İmam Zamana(ə.f), bütün dünya müsəlmanlarına, xüsusən Ərbəin yürüşündə iştirak edən milyonlarla insana dərin hüznlə başsağlığı veririk. Allah-təaladan Əhli-beyt aşiqlərinə İmam Hüseyn(ə) ziyarətini qismət etməyi, Onun şəhadət məktəbindən bəhrələnməyi diləyirik.

Azərbaycan İslam Partiyasının sədr əvəzi

Hacı İlham Əliyev "

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru