Xəbər Lenti

Sorğu

İnfografika

Arxiv

30 Oktyabr

2017
14:18
798
`Mədrəsələrin kollec statusu alması tələbələrin sayına müsbət təsir göstərib`

"Azərbaycanda dini mədrəsələrə kollec statusunun verilməsi bu təhsil ocaqlarının tələbə qəbuluna müsbət təsir göstərib".

Bunu "Report"a açıqlamasında Qafqaz Müsəlmanları İdarəsinin (QMİ) sədr müavini Qəmər Cavadlı deyib.

Onun sözlərinə görə, Zaqatalanın Əliabad qəsəbəsindəki İslam Kolleci, hafizlərin hazırlanması ilə məşğul olan Şəki İslam Kolleci və Bakı şəhərindəki "Şəbnəm" Qızlar İslam Kolleci builki planını doldurub: "Kollec statusunun verilməsi məktəbləri bitirənlərin iş məsələsinin həllində müsbət rol oynayacaq. Mədrəsələrin diplomları tanınmadığından məzunların işlə bağlı imkanları geniş olmurdu".

Q.Cavadlı bildirib ki, hafizlik əzbər yadda saxlamaq, "Quran"ı mənimsəmək kimi qabiliyyətlər tələb etdiyindən Şəkidəki kollecə qəbul 6-7-ci siniflərdən aparılır: "Bu şagirdlər paralel olaraq orta məktəbdə də təhsillərini davam etdirirlər. Həmin kolleci bitirənlərə hafizlik və ya adi diplom verilir. Məktəbə qəbul olanların hamısı hafiz ola bilmir".

QMİ sədrinin müvaini vurğulayıb ki, digər kolleclərə qəbulun aparılması istiqamətində artıq müəyyən işlər görülüb: "Bu il avadanlıqların təchizatı və digər məsələlərlə bağlı olaraq kolleclərə qəbul aparılmadı. Gələn tədris ilindən qəbulun aparılması istiqamətində iş aparılır".

Qeyd edək ki, bu ilin mart ayında 7 yeni İslam Kolleci yaradılıb. Bunlar Heydər İslam Kolleci, Gəncə İslam Kolleci, Lənkəran İslam Kolleci, Quba İslam Kolleci, Nardaran İslam Kolleci, Bibiheybət İslam Kolleci və Naxçıvan İslam Kollecidir.

Məqalədə : İslam Kolleci 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru