Əliabbas Qara oğlu İsgəndərov 1958-ci il iyulun 25-də Ağdam rayonu Kürdlər kəndində anadan olub.

O, 1991-ci ilin noyabrında Ağdam özünümüdafiə batalyonuna daxil olub, çətin kəşfiyyat tapşırıqlarını yerinə yetirib, düşmən mövqelərinin aşkar edilib dağıdılmasında xüsusi xidmətlər göstərib.

1992-ci ilin fevralında Umudlu kəndində mühasirəyə düşmüş 40 nəfər döyüşçünü xilas edib.

Bu hadisədən bir ay sonra - 1992-ci il martın 4-də Qazançı kəndi uğrunda döyüşdə qəhrəmanlıqla həlak olub.

Ağdam Şəhidlər Xiyabanında dəfn edilib.