"Əgər Rusiyanın Suriya ilə bağlı mövqeyi olmasaydı, onda Yaxın Şərq regionu məhv olardı". FaktXəbər-in "RİA Novosti"yə istinadən verdiyi məlumata görə, bu sözləri İraqın vitse-prezidenti Nuri əl-Maliki çıxışı zamanı bildirib.

"Əvvəllər bunu demişəm və yenə təkrar edirəm ki, əgər Rusiyanın mövqeyi olmasaydı, onda region tamamilə məhv edilərdi və onun qeyri-adi xəritəsi mövcud olardı. Bu, sonda Bağdadın süqutuna gətirib çıxarardı",-deyə Nuri Əl-Maliki əlavə edib. 

İraqın vitse-prezidenti həmçinin Mosul şəhərinin ABŞ  tərəfindən azad edilməsi ilə bağlı fikirləri də sərt tənqdi edib: "Bu nailiyyət ABŞ deyil, xalq döyüşçüləri ilə İraq ordusunun Mosul şəhərində İŞİD üzərində qələbəsidir. Onlar (ABŞ) deyirlər ki, (mən buna görə təəssüflənirəm və bunu rədd edirəm) bu qələbə (Mosul şəhərində) onların nailiyyətdir və müharibəni onlar aparırdılar. Amma əslində bu, İraq ordusunun qələbəsidir. Bəli, onların aviasiyası bizi dəstəkləyib, lakin əsas rolu iraqlı əsgərlər, xalq döyüşçüləri və İraq Silahlı Qüvvələrinin aviasiyası oynayıb".