Xəbər Lenti

Sorğu

İnfografika

Arxiv

10 İyul

2017
15:16
755
AİP lideri Mövsüm Səmədovun Appelyasiya məhkəməsi keçirilib

Bu gün Bakı Appelyasiya Məhkəməsində AİP lideri Mövsüm Səmədovun şikayətinə baxılıb. Appelyasiya şikayəti Qaradağ Rayon Məhkəməsinin Azərbaycan İslam Partiyasının sədri Mövsüm Səmədovun 3 il müddətinə Qobustan Qapalı Tipli Həbsxanasına köçürülməsi ilə bağlı verdiyi qərarla bağlı idi.  Məhkəmədə AİP rəhbbərliyi, funksionerləri çoxlu sayda inanclı kəsimin nümayəndələri iştirak ediblər.  

Məhkəmə prosesi hakim Vüqar Məmmədovun sədrliyi ilə baş tutub.

Məhkəmə prosesində doktor Səmədovun vəkili bir neçə vəsatətlə çıxış edib. Vəkil məhkəmə heyətinin diqqətinə çatdırıb ki, Qaradağ Rayon Məhkəməsində keçirilən ilkin baxış zamanı şikayətçilər və şahidlərdən heç kim dindirilməyib. 4 saat davam edən məhkəmə prosesində heç bir araşdırma aparılmadan, istintaqa verilən şahid ifadələri alınmadan 16 səhifəlik işə 10 dəqiqə ərzində baxış keçirilərək qərar çıxarılıb. Məhz buna görə də vəkil ilkin məhkəmə prosesi zamanı Hacı Mövsüm Səmədovun guya günahkar olduğunu sübuta yetirən həmin şahid ifadələrinin alınmasını və məhkəmədə iştiraklarının təmin olunmasını  istəyib. Lakin vəsatətlər məhkəmə tərəfindən təmin edilmədi və növbəti məhkəmə baxışı iyul ayının 17-si, saat 11: 30–a təyin olundu. /islaminsesi

Məqalədə : Mövsüm Səmədov 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru