Xəbər Lenti

Sorğu

İnfografika

Arxiv

Yazar

17 Mart

2017
11:28
2575
Novruzda məhəllənin uşaqlarını ətrafına toplayan Aprel şəhidi - VİDEO

Əslən Şərur rayonunun Qorçulu kəndindən olan Mahir Quliyev 1993-cü ilin 21 dekabr günündə Bakı şəhərində anadan olub. Mahir Quliyev 2015-ci ilin may ayında Azərbaycan Texniki Universitetinin Elektrotelekomunikasiya və radio mühəndisliyi fakülitəsini bitirib. Həmin il ölkəmizdə I Avropa Oyunları keçirildiyinə görə, ali məktəbləri tez bağlamışdılar. Nə diplomunu almışdı, nə də tələbə yoldaşları ilə çəkdirdiyi sonuncu albomunu. Amma, əslində bütün tələbələrin, məktəblilərin ən çox marağında olduğu həmin şəkil albomudur.  Əgər o albomu alası olsaydı, orada dostları Əbdülməcid Axundovun, Mahir Mirzəyevin, Elvin Mirzəyevin və bir də özünün şəklini görəcəkdi. Ancaq görmədi. Belə olmadı.

2016-cı ildə Aprel döyüşləri zamanı şəhid oldu. Mahir Quliyev Bakı şəhərində, III Fəxri Xiyabanda dəfn edilib. 

Mahir Quliyev ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.

Nanası Lalə Quliyeva bildirir ki, Mahir hər kəsin ürəyində, gözlərində son şəklini qoyub getdi: "Novruz bayramında da bizi yanına getməyə qoymadı. Ancaq zəng vurub məhəllədə  sakinlərin bayramı necə keçirmələri ilə maraqlandı. Dedim ki, sakitçilikdir.  Təəssüfləndi. Adətən hər il Novruz bayramında Mahir  məhəllənin uşaqlarını, həmyaşıdlarını ətrafına yığıb, tonqal qalayar, şənliklər düzəldərdilər... Mahir özü ilə çox şeyi apardı..."

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2017 21:35

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru