Xəbər Lenti

İnfoqrafika

Arxiv

Yazar

15 Mart

2017
15:55
7359
“Qələm” yazarlar birliyinin təqdimatı keçirilib

“Bəşər övladı, dünya xalqları daş, ağac, dəri və sair üzərində müxtəlif işarələrlə fikir bildirənə, əlifba formalaşdırıb yazı vərdişləri əxz edənə qədər də çox zəngin mədəniyyət xəzinəsinə malik idi. Qələm-kağız qovuşuğunda baş verən tərəqqi, intibah isə əvvəl yaranmışların da əbədiləşməsi, tarixin yaddaşına həkk olunması ilə nəticələndi. Və min illərdir təkmilləşərək yol gələn bu prossesin alternativ variantı yoxdur. Doğrudur, elmi-texniki inqilablar, avtomatlaşdırma sayəsində yazı, nəşr, yayım işləri xeyli asanlaşdı, inkişaf tapdı. Amma qələm elə qələmliyində qalaraq, öz nüfuzunu, lazımlılığını, sərfəliliyini, dəstəyini qoruyub saxladı. Qələm həm də müqəddəsdir – Allah-təalanın Qurani-Kərimdə and yerlərindən biridir: “Anda olsun qələmə və onunla yazılanlara…”  Elə bu səbəbdən də yaratdığımız təşkilatı “Qələm” Yazarlar Birliyi adlandırmaq qərarına gəldik”.

Bu barədə yeni təsis olunan yaradıcılıq qurumunun təqdimat mərasimində jurnalist Qurban Cəbrayıl məlumat verib.

Qeyd olunub ki, “Qələm” Yazarlar Birliyi Azərbaycan yazıçılarının, jurnalistlərinin, şairlərinin, filosoflarının, araşdırmaçılarının, tərcüməçilərinin, ümumiyyətlə söz-fikir adamlarının, daha çox da İslami, mənəvi-əxlaqi mövzularda yazıb-yaradan qələm sahiblərinin arzularının ifadəçisinə çevrilməyə çalışacaq: 

“Qurumun ayda bir dəfədən az olmayaraq keçiriləcək toplantılarında yeni işıq üzü görən kitabların təqdimatı, maraq doğuran əsərlərin müzakirəsi, əlamətdar tarixi hadisələr və yubileylərin keçirilməsi, yazarların hüquq və azadlıqlarının müdafiəsi, vətənimizə, dinimizə, mənəvi-əxlaqi dəyərlərimizə yönələn təhqir, böhtan, hədə dolu yazıların cavablandırılması, yanlış, həqiqətdən uzaq informasiyaların təkzibi və sair kimi məsələlər nəzərdə tutulmuşdur”.

Daha sonra tədbirə təşrif buyuran qonaqlara söz verilib. “Təhsil” jurnalının əməkdaşı, qocaman jurnalist İdris Hacızadə, DEVAMM sədri, ilahiyyatçı-filosof İlqar İbrahimoğlu, “Məcməüş-şüəra” Ədəbi Məclisinin sədri, tarix elmləri doktoru, professor Şahin Fazil, Azərbaycan Yazıçılar Birliyi bədii tərcümə və ədəbi əlaqələr şöbəsinin müdiri Səlim Babullaoğlu, Azərbaycan Milli Ensiklopediyasının əməkdaşı Rüstəm Tofiq, “Kredo” qəzetinin baş redaktoru Əli Rza Xələfli, siyasi elmlər doktoru, politoloq Rövşən Novruzoğlu, AİP mətbuat xidmətinin rəhbəri Akif Heydərli, şairə Gülarə Munis, “Qazilər” saytının baş redaktoru Rey Kərimoğlu, fəlsəfə doktoru Mail Yaqub, şair-tərcüməçi Hafiz Rüstəm, “Qafqaz-media” İB-nın sədri Azadə Taleh, “Strateq.az” saytının baş redaktoru Elxan Şükürlü, Qarabağ Uğrunda İslami Müqavimət Hərəkatının sədri Rövşən Əhmədli, Vahid Poeziya Evinin rəhbəri Rafiq Şirvanlı və başqaları çıxış edərək, arzu və təkliflərini bildiriblər.   

Tövsiyələr sırasında həqiqi İslam maarifçiliyinin, vətənpərvərlik mövzusunda müsabiqələrin, mədəni-kütləvi tədbirlərin reallaşması, tarix-mədəniyyət abidələrinin mühafizəsi, humanitar sahədə elmi-tədqiqat işlərinin dərci və təbliğinə töhfə verilməsi istəkləri dilə gətirilib, ölkəmizin yaradıcı şəxslərinin, o cümlədən, sərhədlərimizdən kənarda yaşayıb taleyüklü problemlərimizin həllinə çalışan, ümumxalq maraq və mənafelərinin keşiyində duran insanların, bir sözlə müstəqil Azərbaycanımızın hər bir dostunun təşkilata üzvlüyü arzuları səsləndirilib. “Təqdimatdan sonra mərhələli şəkildə təşkilatı məsələlərə baxılacaq və “Qələm” Yazarlar Birliyinin rəsmi qeydiyyata alınması üçün müvafiq sənədləri hazırlanmaqla Ədliyyə Nazirliyinə müraciət olunacaq” – deyə, sonda Qurban Cəbrayıl bildirib:

“Bahar mövsümünü yaşayırıq və günəşin torpağa toxunan isti nəfəsi ana təbiəti  oyandırmaqdadır. Ən böyük, şaxəli, qol-budaqlı ağaclar belə, bir toxumdan, qələmdən yaşam haqqı qazanıblar. Biz də Azərbaycan media məkanına, münbit düşüncələrə bir “Qələm” əkdik. İnşallah, cücərər, bitər, boya-başa çatar..!”

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Keşlə" argentinalı futbolçu aldı

17

İyun
15:20
İDMAN
1190

Xırdalanda qəza yolu bağladı

17

İyun
14:19
HÜQUQ,HADİSƏ
1357

Azərbaycan qazı Avropaya çatdırılıb

17

İyun
14:13
İQTİSADİYYAT
1809

İlon Mask Twitter-ini bağladı

17

İyun
12:31
DÜNYA
1106

Bu il xaricə 3 milyon 689 min dollarlıq çay SATIB

17

İyun
12:24
İQTİSADİYYAT
1455

Ağstafadakı gülləbarana dair RƏSMİ AÇIQLAMA

17

İyun
12:05
HÜQUQ,HADİSƏ
1188

Rəqibini yıxaraq çempion etdi - VİDEO

17

İyun
11:33
İDMAN
1799
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-06-2019 21:56



  (+994 55) 786-96-84

  [email protected]

Valyuta.com

Рейтинг@Mail.ru