Xəbər Lenti

İnfoqrafika

Arxiv

Yazar

10 Sentyabr

2016
11:24
Qobustan həbsxanasının keçmiş rəisi haqqında ŞOK AÇIQLAMA

“Ömürlük məhbuslarla bağlı prezidentə müraciət etdik. Müraciətimizin məğzi ondan ibarətdir ki, ömürlük həbs cəzası illərlə əvəz olunsun. Elə məhbuslarımız var ki, 27-28 ildir ki, məhbus həyatı yaşayır. Həm də xəstədirlər. Onların işlərinə yenidən baxılmasını istəyirik”. Bu barədə Ömürlük Məhbusları Müdafiə Komitəsinin sədri Müslümət Rzaxanova deyib.

 

O, Qobustan həbsxanasına yeni təyin olunan rəis haqqında da danışıb.

 

“Bir həftə olar ki, Aftandil Ağayev Qobustan həbsxanasına yeni rəis təyin edilib. O, təcrübəli ədliyyə polkovniki olduğu üçün ümid edirəm ki, bundan sonra həbsxanada vəziyyət yaxşı olacaq. Həm də problemlərlə bağlı yeni rəisin yanına gedib məlumat vermək olur. Ümidvarıq ki, həbsxanadakı qəddarlıqlara son qoyulacaq”.

 

Müslümət Rzaxanova son zamanlarda həbsxanada baş verənlərə aydınlıq gətirib. Bildirib ki, həbsxananın rəisi vəzifəsindən azad olunan Fikrət Qafarov məhbuslara ağır işgəncələr verib.

 

“Ömürlük məhbusların saxlanma şəraiti həddindən artıq pisdir. Qobustan həbsxanasında ömürlük məhbuslar üçün yaradılmış şərait odur ki, bura hansı bir həbsxana rəisi gəlir-gəlsin, dəxli yoxdur,hər hansı bir cüzi səbəbə görə məhbus cəzalanmalı, cəza təcridxanasına salınmalıdır. Cəza təcridxanasına salmamışdan öncə məhbusları kluba aparıb 10-15 nəfər tərəfindən ölənə qədər döyürlər. Sonra əllərini qandallayaraq işgəncə verirlər. Cəza ilə bağlı çıxarılmış qərarın surəti məhbusa verilmir. Halbuki, Cinayət Prosessual Məcəlləsində belə bir maddə var ki, məhbus onun barəsində çıxarılmış qərarla bağlı şikayət etmək hüququna malikdir. Bu hüquq pozulub. Hər hansı məhbus şikayət etdisə, “qara siyahı”ya düşür. Bütün məhbuslara heç bir səbəb olmadan qandal tətbiq edirdi.

 

Heç kəs bilmir ki, Fikrət Qafarovun rəis olduğu müddətdə neçə məhbus öldürülüb, ya da özünə qəsd edib. Fikrət Qafarov cinayət məsuliyyətinə cəlb olunmaq əvəzinə, 2 saylı cəzaçəkmə müəssisəsinə rəis göndərilib”.

 

Müslümət Rzaxanova Fikrət Qafarovla bağlı bir faktı da diqqətə çatdırıb.

 

“Bir məhbus onun yanına gələrək bir kamerada olan məhbusla yola getmədiyini, yaxud da xəstə olduğunu deyir. Rəis Fikrət Qafarov məhbus ağzını açmamış stolun altından dubinkanı çıxarıb ağır zərbələrlə məhbusun başına-başına vurur. Məhbus huşunu itirəndən sonra əlləri arxadan qandallanır və ağrılı vəziyyətdə yerinə aparılır. Qobustan həbsxanasındakı məhbusların başına nələr gətiribsə, 2 saylı cəzaçəkmə müəssisəsində də eyni hadisələri təkrar edəcək. Məhbuslar onun əlindən qan ağlayırdı. O, imkansız məhbuslara çox ağır işgəncələr verirdi. Eyni zamanda, həbsxana personalını da pis günə qoymuşdu”.

 

Müslümət Rzaxanova Qobustan həbsxanasında yaşananlarla bağlı aidiyyatı qurumlara müraciət etdiklərini də deyir.

 

“Ombudsman Elmira Süleymanova ərizələrimizi Fikrət Qafarovun üstünə göndərir ki, araşdırsın. Ümumiyyətlə, Fikrət Qafarov da tabeliyində olan personalını yığaraq  həmin şikayət edən məhbusu tamamilə  saxta, həqiqətə uyğun olmayan ittihamlarla cəzalandırırdı. Ədliyyə Nazirliyinə, Penitensiar Xidmətə şikayət edəndə cavabı Fikrət Qafarov verir. O da özünə sərf edən şəkildə yazır ki, heç bir məhbusa işgəncə verilməyib.

Ümumiyyətlə, Ombdusmanın adı gələndə bizdə allergiya yaranır.  21 ildir ki, Qobustan həbsxanasındayam və bu illər ərzində o qədər məhbus döyülüb öldürülüb ki, bir nəfər də olsun məhbus haqqında Ombudsman qərar verməyib. Hər zaman yazıblar ki, məhbuslarla bağlı heç bir problem yoxdur”.

 

Qeyd edək ki, Fikrət Qafarovun məhbuslarla qanundankənar davranışı haqqında bundan əvvəl  də mətbuatda yazılar dərc olunub. (Modern.az)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
47603

Növbəti buraxılış imtahanları başlayıb

25

İyun
10:59
ELM / TƏHSİL
45740

AMB-nin valyuta məzənnələri

23

İyun
10:11
İQTİSADİYYAT
47358

Nefti qiyməti bahalaşmağa başlayıb

23

İyun
09:30
İQTİSADİYYAT
46960

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
52496

QMİ yaslarla bağlı xəbərdarlıq etdi

19

İyun
18:10
ÖLKƏ
46617

İyunun 22-də dolların manata qarşı məzənnəsi

19

İyun
17:55
İQTİSADİYYAT
47027
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-10-2020 03:21





  [email protected]

Valyuta.com

Рейтинг@Mail.ru