Xəbər Lenti

İnfoqrafika

Arxiv

Yazar

09 Avqust

2016
16:31
2273
Pomidor-xiyar satıb təyyarə almaq...
Natiq Cəfərli: "Rusiya bizə 1 təyyarə satanda, biz 3 ay maşın-maşın, vaqon-vaqon "pomidor-xiyar" satmalıyıq"

“Rusiya bazarına aqressiv çıxmaq lazımdır, bundan ötrü isə ənənəvi üstünlüyümüz olan sahəni – kənd təsərrüfatını inkişaf etdirməliyik. Bu sahənin inkişafı üçün ciddi düşünülmüş proqramlar, faizsiz, və ya çox aşağı faizli kreditlər, aqrar sahədə innovasiyaların tədbiqi, məhsuldarlığın artırılması lazımdır. Bu da uzaqgörən hökumət istəyir”.

İqtisadçı ekspert Natiq Cəfərli avqustun 8-də Rusiya prezidenti Vladimir Putinin Bakıda Azərbaycanla ticarət dövriyyəsinin artırılması barədə açıqlamalarını şərh edərkən deyib.

İqtisadçı yada salıb ki, Azərbaycan 2016-cı ilin ilk 6 ayında Rusiyaya cəmi 191,7 milyon dollarlıq mal-məhsul ixrac edib. Rusiyadan isə həmin dövrdə 742,7 milyon dollarlıq mal-məhsul idxal edib. Yəni, Rusiya ilə ticarət balasında Azərbaycanın 551 milyon dollarlıq mənfi saldosu var.

N.Cəfərli mənfi saldonu bağlamağa Azərbaycanın əlində o qədər də geniş imkanların olmadığını ifadə edib:

“Biz Rusiya bazarına nə ixrac edə bilərik - kənd təsərrüfatı məhsulları, spirtli və spirtsiz içkilər, vəssalam. Rusiya isə bizə ərzaq məhsullarından tutmuş, avtomobillərə, hərbi texnikaya qədər ixrac edir və bunu artırmaq istəyir. Hər bir ölkə ikili münasibətlərdə aldığından daha çox satmaq istəyir”

İqtisadçı vurğulayıb ki, Rusiya ilə Azərbaycan arasında 2017-ci ildə 10 ədəd MS-21 təyyarəsinin alınması ilə bağlı müqavilə imzalanıb:

“Bu təyyarənin hər birinin qiyməti, ortalama, 80 milyon dollardır. Bu ilin ilk 6 ayında biz Rusiyaya cəmi 191 milyon dollarlıq, “pomidor-xiyar” satmışıq. Deməli, Rusiya bizə 1 təyyarə satanda, biz 3 ay maşın-maşın, vaqon-vaqon “pomidor-xiyar” satmalıyıq ki, 1 təyyarənin pulu qədər Rusiyaya mal ixrac edək. Ölkədə valyuta çatışmamazlığını nəzərə alsaq, deməli, Rusiya bizdən daha çox dollar qopardıqca, valyutamız da bahalaşacaq”, ekspert qeyd edib.

Avqustun 8-də Bakıda Rusiya, İran və Azərbaycan prezidentlərinin iştirakı ilə üçtərəfli müzakirələr keçirilib.

Rusiya prezidenti Vladimir Putin müzakirələr zamanı iqtisadi əlaqələrin inkişaf etdirilməsinin vacibliyindən danışmış, Azərbaycanla ticarət dövriyyəsinin artırılmasını xüsusi vurğulamışdı. (Azadlıqradiosu)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Günün qarşılaşmaları TV AFİŞA

14

Sentyabr
15:12
İDMAN
508

Sabah hava yağmurlu olacaq

14

Sentyabr
14:00
ÖLKƏ
605

Aeroport yolunda növbəti qəza - VİDEO

14

Sentyabr
11:18
HÜQUQ,HADİSƏ
638

Həyatımızı təhlükəyə atan İNTERNET SƏHİYYƏSİ

13

Sentyabr
16:52
AİLƏ, SAĞLAMLIQ
1139

Nazir post-patrul əməkdaşlarına qadağa qoydu

13

Sentyabr
16:12
HÜQUQ,HADİSƏ
723

Azərbaycan Mərkəzi Bankı uçot dərəcəsini azaldıb

13

Sentyabr
14:59
İQTİSADİYYAT
696
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-09-2019 08:12



  (+994 55) 786-96-84

  [email protected]

Valyuta.com

Рейтинг@Mail.ru