Xəbər Lenti

İnfoqrafika

Arxiv

Yazar

19 İyul

2014
11:52
“Sovetski” sakinləri “Ağ şəhər”lə qonşu ola bilər

“Sovetski” sakinləri üçün inşa ediləcək bina “Ağ şəhər”in yaxınlığında olacaq. Bu barədə evləri plana düşən sakinlər məlumat veriblər. Onların sözlərinə görə,  “Sovetski” ilə bağlı bir neçə tikinti şirkəti layihə hazırlayaraq hökumətə təqdim edib. Sakinlərə bildirilib ki, yaxın günlərdə Yasamal Rayon İcra Hakimiyyətində onlarla görüş keçiriləcək. Təklif kimi irəli sürülən layihələr müzakirə olunacaq. 

“Sovetski” sakinlər qeyd etdilər ki, az kvadratlı mənzil sahiblərinə bina tikilməsi ilə bağlı xəbərlər yayılandan sonra kompensasiya üçün Köçürmə Komissiyasına müraciət edən olmayıb. Məlumat üçün bildirək ki, “Sovetski” sakinləri üçün bina inşa edən şirkətlərdən biri ötən həftə mətbuat konfransı keçirərək “Sovetskaya Kooperativi” layihəsini təqdim ediblər. Mətbuat konfransında bildirilib ki, yaşayış binası 16 mərtəbəli, 9 blok və hər blokda 90 mənzildən (ümumilikdə 810 mənzil) ibarət olacaq. Mənzilin bir kvadrat metri 380 manat təşkil edəcək. Bildirilib ki, binanın Ukrayna dairəsi, Gəncə prospektində inşa edilməsi nəzərdə tutulur.

Ümumi “Pay Fondu” yaradılacaq, sakinlərlə müqavilə imzalanacaq və 50 faiz ödəniş etdikdən sonra mənzil sahibinin adına sənədləşdiriləcək. Artıq layihənin hazırlıq dövrü bitib. Binanın tikintisinin 18 aya yekunlaşması nəzərdə tutulur. Mənzillər sakinlərə təmirsiz şəkildə təqdim olunacaq. Hələlik sakinlərdən ərizələr yığılır. Artıq binada mənzil almaq istəyən sakinlərin 50 faizdən çoxundan ərizə toplanıb. Ancaq Yasamal Rayon İcra Hakimiyyəti “DES Kosaltinq” şirkətinin fırıldağını ortaya çıxarıb. Belə ki, şirkət indidən sakinlərdən pul yığmağa başlayıb.  Yasamal, Səbayel rayonlarının, eləcə də Bakı Şəhər Prokurorluğunun əməkdaşları “DES Konsaltinq”in ofisində araşdırmalar aparıblar. Şirkətin direktoru Nazim Səmədov öz əməlinə haqq qazandırmağa çalışıb. Şirkət nümayəndəsi vətəndaşlarla müqavilələr bağladığını etiraf etsə də, onlardan hər hansı məbləğdə pul almadıqlarını iddia edib. Faktla bağlı cinayət işi açılıb, araşdırma aparılır. 

Mövzu ilə bağlı “Yeni Müsavat”a danışan sakinlər bildirdilər ki, Yasamal Rayon İcra Hakimiyyətində olarkən onlara deyilib ki, bina tikintisi ilə bağlı onlara təkcə “DES Konsaltinq” təklif və layihə təqdim etməyib. Bir neçə şirkətlə görüşlər başlayıb.  “Sovetski” sakinlərinə tikiləcək bina Gəncə prospektinə uyğun olmadığından ola bilsin ki, bina “Ağ şəhər”in qonşuluğundakı boş ərazidə tikilsin. Sakinlər həmçinin təmirli evlər tələb etdiklərini vurğuladılar. 

Xatırladaq ki, Bakının “Sovetski” məhəlləsində evlərini müəyyən edilmiş şərtlərlə satmaq istəyən ailələrin sayı isə 1950-yə çatıb. İndiyədək 1274 mənzilin sahibi ilə razılaşma protokolu imzalanıb, artıq 1130 əmlak sahibinin bank hesabına vəsait köçürülüb. Köçürmə Komissiyanın son iclasında 78 mənzil sahibi ilə razılaşma protokolu imzalanıb. 

Xatırladaq  ki, “Sovetski” məhəlləsində ümumilikdə 10 minə yaxın ailə yaşayır./musavat.com

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Abel Məhərrəmovun oğlu vəzifədən azad edildi

19

Aprel
13:24
HÜQUQ,HADİSƏ
155

Sabahın hava proqnozu açıqlandı

19

Aprel
13:13
ÖLKƏ
147

Tramp Baydeni dəstəklədi

19

Aprel
11:27
DÜNYA
430

Neft ucuzlaşıb

19

Aprel
09:42
İQTİSADİYYAT
280

İraqda hərbi baza raketlə vurulub

19

Aprel
09:30
DÜNYA
366
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-04-2021 16:15





  [email protected]

Valyuta.com

Рейтинг@Mail.ru