Səudiyyə şahzadəsi Turki bin Nasser bu yaxınlarda Los Ancelesdəki əmlakını açıq əmlak bazarına çıxarıb. Bu, dostlar vasitəsilə bir neçə ay davam edən uğursuz satış cəhdlərindən sonra baş verdi.

Şahzadənin villasının yerləşdiyi Beverli Park şübhəsiz ki, Los-Ancelesin ən nüfuzlu və mühafizə olunan ərazisidir. 24 saatlıq mühafizə sayəsində hətta bir siçan da gözdən yayınaraq əraziyə girə bilmir. Ümumilikdə kənd Beverli Hills təpələrinin üstündəki dağlarda yerləşən 70-ə yaxın ərazini birləşdirir. Beverli Park konsepsiyası 1980-ci illərdə hazırlanıb və bu günə qədər bu kənd olduqca böyük evlərin toplanması ilə məşhurdur. Ən kiçik evin sahəsi təxminən 743 kvadratmetrdir və ən böyük yaşayış sahəsi 3000 kvadratmetrdən çoxdur.

Beverli Parkdakı ən böyük evlərdən ən azı dördünün Səudiyyə Ərəbistanı kral ailəsinin müxtəlif üzvlərinə aid olduğu da sirr deyil. Bu dördü arasında şahzadə Turki bin Nasserin əmlakı ən böyüyüdür. Torpaq sahəsi - təxminən 20 min kvadrat metrdir. İki ayrı kompelksədn ibarət evlər ikimərtəbəlidir. Üstəlik, xidmətçilər üçün də ikimərtəbəli kompleks var. Rəsmi rəqəmlərə görə, 22 yataq otağı və 39 vanna otağı olan evin yaşayış sahəsi 4 min kvadratmetrdir. Bu mülkün satış qiyməti isə 39.95 milyon dollardır.