Dağıstanda müvəqqəti yaşayış məskənində yerləşdirilmiş Azərbaycan vətəndaşları ilə polis rasında qarşıdurma yaranıb. Münaqişə nəticəsində üç polis və üç Azərbaycan vətəndaşı zərər çəkib.

“Onlar daşla polisə hücum ediblər. İlkin məlumatlara görə, üç polis və üç Azərbaycan vətəndaşı yaralanıb. Həbs olunanlar var, lakin onların sayı dəqiqləşdirilir", - RİA Novosti Dərbənd vilayətinin rəsmi mənbələrinə istinadən xəbər verir.

Bildirilir ki, hazırda düşərgədə vəziyyət sabitdir.

Xatırladaq ki, Dərbənd rayonunun başçısı Fuad Şahiyev açıqlamasında, "Azərbaycan vətəndaşları hiddətləniblər və sərhədi keçməyi tələb etməyə başlayıblar. Onlar dörd polis əməkdaşına hücum ediblər və maşına xəsarət yetiriblər, buna görə əlavə qüvvələr cəlb edilib", - deyə bildirib.