Xəbər Lenti

İnfoqrafika

Arxiv

Yazar

12 İyun

2020
12:50
`Son zəng`i arzuladığımız kimi keçirə bilməməkdən məyusuq`

Təhsil naziri Ceyhun Bayramov bu il XI sinifləri bitirən məzunları “Son Zəng” münasibətilə təbrik edib.

Təbrikdə deyilir:

“Bilirik ki, bu günü səbrsizliklə gözləyirdiniz. Etiraf edim ki, sizin üçün unudulmaz olan “Son zəng”i arzuladığımız kimi keçirə bilməməyimiz bizi də məyus edir. Lakin bunun səbəbi bütün dünyada baş verən pandemiyanın gətirdiyi yeni bir reallıqdır. Sizin sağlamlığınız bizim üçün ən önəmli məsələdir.

Bu tədris ilinin ikinci yarımilindən şagirdlərimiz doğma məktəblərindən, müəllimlərindən, müəllimlər isə şagirdlərindən ayrı düşməli oldular. Bilirik ki, məktəb hər bir şagird və müəllim üçün ikinci evi qədər doğmadır. Lakin bizim müəllimlərimizin yorulmaz fəaliyyəti nəticəsində bu ayrılıq bir o qədər hiss olunmadı.

Fürsətdən istifadə edərək pandemiya şəraitində təhsil prosesinin fəsiləsizliyini təmin etmək üçün səylərini əsirgəmədən fədakar çalışan müəllimlərimizə öz dərin təşəkkürümü bildirmək istərdim. Öz şəxsi qayğılarını unudaraq televiziya vasitəsilə evdən virtual dərslər keçməklə hər zaman şagirdlərin yanında oldular, onların təhsili naminə çalışdılar.

Bu dövr valideynlər üçün də bir sınaq oldu. Min bir əziyyətə qatlaşaraq evdə şagirdlərə müəllimlik etdiklərinə, onların hər bir qayğısına böyük səbrlə yanaşdıqlarına görə hörmətli valideynlərimizə xüsusi təşəkkür edirəm.

Əziz məzunlar, sizi bir daha ürəkdən təbrik edirəm, həyatınızın yeni mərhələsində uğurlar arzu etmək istərdim. Yolunuz açıq olsun!”. 

Məqalədə : Ceyhun Bayramov 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Twitter"in işində problem yaranıb

23

Aprel
16:33
DÜNYA
105

DİM abituriyentlərə müraciət edib

23

Aprel
15:59
ELM / TƏHSİL
100

Polşa səfiri Rusiya XİN-ə gəlib

23

Aprel
15:37
DÜNYA
115
Mövzu üzrə xəbərlər
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-04-2021 17:16





  [email protected]

Valyuta.com

Рейтинг@Mail.ru