"Real"ın baş məşqçisi Zinəddin Zidan İspaniya Futbol çempionatının 27-ci turunda "Betis"lə məğlubiyyətini (1: 2) şərh edib. Fransız mütəxəssis etiraf edib ki, onun yetirmələri cari mövsümün ən pis oyununu keçirib.

"Pis oyun oldu. Hər iki hissədə də uğur qazana bilmədik: itkilər və səhvlər çox oldu. Fərqli səviyyədə oynadığınız zaman hər şey çətinləşir. Bu gün hər şeyi əldən verdik", - deyə Zidan bildirib:

"Bunun üçün məsuliyyət daşıyıram, amma buna görə fikir çəkmək lazım deyil. Baş verənləri izah etmək olmur və qalib gəlməyə layiq deyildik. Hər şeyi təhlil etməliyik. 11 oyunumuz qalıb. Biz titul uğrunda mübarizəni davam etdirəcəyik."

Xatırladaq ki, bu məğlubiyyətə qədər "Real" çempionatda lider idi və "Barselona"nı 1 xal qabaqlayırdı. "Barselona"nın qələbəsi "Realı" həm zirvədən edib, həm də rəqibindən 2 xal geri düşüb.