Məşhur portuqaliyalı futbol agenti Jorj Mendeşin ofisində vergi polisi axtarışlara başlayıb. Kriştiano Ronaldonun şəxsi agenti olan Mendeş vergidən yayınmaqda ittiham edilir.

"Sportbox.ru" xəbər verir ki, asayiş keşikçiləri ölkənin aparıcı klubları olan "Benfika", "Porto" və "Sportinq"in ofislərdində da axtarışlar aparıblar. İstintaq tədbirləri nəticəsində həm rəqəmsal, həm də kağız üzərində olan bir çox sənəd götürülüb.

Sənədlərə oyunçuların maddi hüquqları, ilk növbədə imic hüquqları, habelə müqavilələrin icrası və ya uzadılması üçün vasitəçilik məqsədilə üçüncü şəxslərə - agentlərə verilmiş komisyon haqları ilə əlaqəli müqavilələr də aiddir.

Polis hesab edir ki, klublar idman korporasiyaları, oyunçular, məşqçilər və onların agentləri ilə birlikdə xərcləmə rəqəmlərini artırmaq, gəlirləri azaltmaq və müvafiq olaraq vergidən yayınmaq üçün saxta sənədlərdən istifadə edirlər.