İspaniya La Liqasında XXVI turun mübarizəsi başa çatıb.

Bütün diqqətlər "Santyaqo Bernabeu"dakı qarşılaşmaya yönəlib.

Əzəli rəqiblər "Real"la "Barselona" La Liqa tarixində 180-ci "El Klasiko" matçına çıxıblar. Buna qədər komandaların hərəsinin aktivində 72 qələbənin olması və çempionluq mübarizəsi aparması qarşılaşmanın əhəmiyyətini daha da artırırdı.

"Barselona"nı ölkə çempionatında sonuncu dəfə 2016-cı ildə, Madriddə isə 2014-cü ildə məğlub edən "kral klubu" müvafiq olaraq 7 və 4 oyunluq həsrətə, nəhayət ki, son qoyub. Bu qələbə "Real"ı turnir cədvəlində zirvəyə yüksəldib.

"Sevilya" doğma arenasında "Osasuna"nı son dəqiqə qolu sayəsində məğlub edərək, 3-cü pilləyə yüksəlib.

Avrokuboka vəsiqə ümidini itirməyən "Vilyarreal" Bilbaoda yerli "Atletik"ə yenilib. Ev sahiblərinə qələbə üçün 1 qol bəs edib.

"Atletiko" isə Kataloniyada autsayder "Espanyol"un müqavimətini qıra bilməyib.

İspaniya La Liqası

XXVI tur

1 mart

"Sevilya" - "Osasuna" - 3:2

En Nesiri, 13, 90+3; Okampos, 45+1 - Aridane, 64; Torres, 74 (pen.)

"Atletik" - "Vilyarreal" - 1:0

Raul Qarsiya, 56 (pen.)

"Espanyol" - "Atletiko" - 1:1

Saviç, 24 (avtoqol) - Saul, 47

"Malyorka" - "Xetafe" - 0:1

Maksimoviç, 67

"Real" - "Barselona" - 2:0

Vinisius, 71, Mariano Dias, 90+2