OPEC və müttəfiqləri Çindən yayılmağa başlayan koronavirusun neft tələbatına necə təsir edə biləcəyini və qarşılıq olaraq hansı tədbirlər görə biləcəklərini dair müzakirələr aparmaq üçün təcili toplanır.

Xam neftin qiymətinin bir ildən uzun müddətdir ilk dəfə 50 dollardan aşağı düşməsindən sonra artan basqılara görə texniki mütəxəssislər Vyanada toplaşmaq qərarına gəliblər. 

Dünyadakı ən böyük neft idxalatçısı olan Çindəki yanacaq istehlakı, şəhələrdə karantin elan olunduğundan və zavodlar dayandığından bu yana 20 faiz azalıb.

OPEC-in ən böyük üzvü olan Səudiyyə Ərəbistanı toplantının keçirilməsi üçün daha çox təzyiq göstərir.